كيف اقلل تكاليف الزواج ،، ياعرايس ساعدوني

شحالكم خواتي ؟ عساكم طيبات

ابي اعرف كيف اقلل تكاليف الزواج على خطيبي شو الحفلات اللي اقدر استغني عنها وإلغائها ؟ وزيدوا من عندكم اي أفكار ثانيه ممكن تساعدني بتقليل التكاليف

بانتظار مشاركات أهل الخبره واللي ماتعرف ترفع الموضوع
بنات ضروري الله يخليكم والله يجزاها كل خير اللي تفيدني

ان شاء الله البنات يفيدونج

ااااااااااااااااااب

حبيبتي سويلج جدول للزهبه ( الاشياء اللي تحتاجينها بالتفصيل و عددهم و سعر كل شي )
جدول الزهبه يخفف عنج وايد و بتكونين كاتبه ميزانيتج ف بتحاولين تلتزمين بالجدول.

و انا من رايي الحفلات الاساسية هيه حفلة ملجة بسيطه بين الاهل و الاصدقاء المقربين و العرس و بس
يعني حفلة الخطوبة و ليلة الحنا من رايي مالهم لزمه مش من الضروريات تقدرين تستغنين عنها.

قللي المصاريف لي مالها داعي
في البداية جوفي الميزانية عشان على اساسها تتصرفين

يعني لا تكثرين من كل غرض تشترينة خذي قياسج حاليا فقط لانج بعد فترة بتحتاجين تجددين وبتملين من الي عندج

البطايق مثلا مب لازم شي غالي حدها بتنفر

الكوشة و التوزيعات لانها ليلة عمرج ما تقدرين تاخذين اي كلام بس بعد لا تبالغين ونفس الشي على كل التجهيزات

ومبروك مقدما

يزاكم الله خير