كيف انصحها اخاف تتهور ويلعب براسها><

السلام عليكم ورحمة الله وبركاته

شحالكن حبايبي ..

بكتب لكم مشكلة وحده من الاهل وهي ربيعتي وانسانه عزيزه على قلبي ..
هي غلطت قبل ثلاث سنوات وحبت واحد وهو بعد والريال خطبها من اهلها وابوها رفض الريال مابدخل في التفاصيل لانه السالفه طويله بس ب اختصار ابوها رفضه..
المهم الريال عرس وماخبرها الا بعد ماتزوج وهي المسكينه انصدمت وقررت تنساه وتعذبت وايد وربيعتي تفكر بحرمته وقلبها يعورها عليها مهما يكون هي مالها ذنب بكل ها ..وهي ضحيه ..
المهم رد من فتره يتصل فيها ويكلمها ويقول لها باخذج الثانيه بعد ماتخلصين دراستج لانه اهلها كان عذرهم دراستها واسباب ثانيه ..
هي عمرها في بدايه العشرين ..
انا نصحتها وقلت لها شو الي يخليج تاخذين واحد معرس +مب حلو +وانتي توج صغيره وحلوه والعمر جدامج والف واحد يستاهلج وهالانسان لو كان يباج وماكان اناني كان ماعرس وترياج تتخرجين وسووا المستحيل عشان ياخذج
الحب مب كل شي في الحياه الاهم هو الراحه النفسيه والاستقرار والريال المناسب لج ..
هي تبا تغير رقمها بس تقول يقول لها اروم اطلع رقمج ..!! وهي خايفه الموضوع يوصل لاهلها ..

حرااااااااااااااام فهميها هذا يقص عليهاواصلا مابيروم يوصل لاهلها لاتخاف منه ومن تهديده نحن وييييييييين عايشين نحن عايشين في دار محكوووووووومه مب فوضى ….قوليلها وفهميها تغير رقمها واتكون صارمه واتقوي شخصيتها وتوقفه عند حده ….هذا اذا مايريد يخسر حرمته الاولى طبعا

هي في البدايه عصبت عليه وقالت له لاتتصل فيني ..
بس عقب حست بتانيب الضمير واتصلت فيه وقالت له امسح رقمي وانساني كانت تبا تنهي كل شي لانها في المره الاولى مارمت ترمس من الصدمه يوم عرفت انه عرس ..
هي حليلها وايد طيبه اخاف يقص عليها وتعيش في وهم ..وفي نفس الوقت قلبها يعورها على حرمته ماصار له شهر وشي من عرس ..!
وقال لها فكري في موضوع انه تكونين الثانيه والشرع حلل 4 ..
وهو عنده رقم ابوها واخته عندها رقم امها تخاف الموضوع يوصل لاهلها لو عاندت هو ماهددها بس خلاص فقدت الثقه فيه بسبت الي سواه فيها
ويوم قالت له بغير رقمي قال لها اروم اطلعه ..!
انا فكرت ارد انا على مبايلها واوقفه عند حده لانه اخاف يقص عليها بس متردده مابا ادخل في المشاكل بعد مافيني ..><

اختي صدقيني مابياخذها واللللللللللله شايفنها على نهيتها قال يلعب عليها ارجووووووووج فهميها ووقفي في ويهاا وكسري بطاقتها وقولبلها هذا لعاب وخله يولي ليييييييييييييج تسوي في عمرها جذي وهي بعدها صغيره باجر بتعرس وبتنسى مافي داعي تخوووووووون الحرمه وهي تكلم ريلها باجر اذا عرست حتى ريلها بيخونها

الله يسر امورها ان شاء الله

شو دراج انه يقص عليها!! يمكن صدق يباها الثانية!! خلها تقوله لو تباني كلم اهلي وهم الي بيحددون تاخذه ولالا!! وبعدين هي من شو خايفة ؟ لو كلم اهلها تراه قبل خطبها ورفضوه يعني مابيعصبون لو كلمهم مرة ثانية وهي تقدر اتقول انه هو ياب رقمها ويأذيها لو صارت مشكلة!! اقولج خوفها مب عذر انها تغير رقمها ولا شي ! هي بروحها تبا تكلمه اصلا ولا جان لبسته وغيرت رقمها واعلا مافي خيل الريال يركبه!

الموضوع موا محتاج تفكير تحسم أمرها وتبتعد وما يقدر يجبرها ولا يقدر يعمل شيء اذا كانت شديدة معة بس الواضح صديقتك بعدها متعلقة فية