كيف تتعاملون مع مندوب التوصيل

السلام عليكم ورحمة الله وبركاته

هلا خواتي

بغيت ابيع حاجة عندي وطبعا اول مرة وما عندي معلومات مول كيف اتعامل ويا المندوب

ابي خبرتكن حبيباتي

هلا اختي اذا عندج رقم مندوب اتصلي عليه واعطيه اللي تبين تبيعينه وعنوان الزبونه ورقم تليفونها وهو بيتواصل معاها وبيسلمها الطلبيه وبتسلمه الفلوس وبيرد يعطيج الفلوس وسعر التوصيل على حسب الاتفاق بينج وبين الزبونه هل انتي ضفتيه مع سعر البضاعة واذا ما ضفتيه الزبونه هي اللي بتدفع مال التوصيل

ما قصرت أم محمد

اذا حابه تتعاملين مع شركات التوصيل
تتصلين لهم وتعطينهم عنوانج .. المندوب راح يعطيج كوبونات
هذي الكوبونات تكتبين فيها عنوان الزبونه وتتصلي للمندوب يلخذ الطلبيه ويوصلها
وبعدين يرجع لج الفلوس

مشكورات حبيباتي ما قصرتن ربي يوفقكن دنيا وآخرة

ما قصرو البنات

بالتوفيق ان شاء الله

الخوات ما قصروا .