.gif "13 (7)")
كيف تخلين ولدج ريال؟ شو تقولين له؟ خاصة أن مرات الأب يكون عمله في إماره ثانية، أو يداوم دوامين، أو مجرد أنه يكون منشغل!!
.gif "55 (11)")
شو تعلمينه وعلى حسب عمره طبعا، ، ، كيف تبينه يكون ( على العبد العمل و على الله التكلان) كيف تتمنينه يكون؟؟ [/CENTER]
.gif "44 (32)")
ولديه العود (أسأل الله له البركه في كل عمله) عمره 8 سنوات وأحس مرات أنه أكبر من سنه ، أكلمه كأنه كبير، أحاول أستأذنه إذا بستعمل شي من أغراضه (ما احتايهم بس عشانه يتفجج يوم أستأذنه)
أطرشه (طبعا تحت عيني .gif "13 (21)")
) يكلم الدريول بدالي ،
يوم يمرض أخليه هو يكلم الدكتور ويقوله شو فيه (طبعا أيود عمري عن أنط فرمسته واقاطعه، وعقب ما يخلص رمسته إذا نسى شي أذكره ،،
أنزله المحطه وأعطيه الفلوس فأيده وأنزل أخوانه الصغار وياه (أراقبهم طبعا ) وأخليه يحاسب عنهم ،،
أحاول أني أخليه يشترك في نشاطات المدرسه من سباحه وفروسية ( وأتم حاطه أيدي على قلبي لين أيرد وكل شوي أدعي أن الله يسلمه 
) ، ،
أطرشه المسجد اللي عدالنا حزة الصلاة ،،
ومن الأشياء المهمه أنج ما تفقدين التواصل ويا ولدج .gif "13 (5)")
، يعني لازم يكون الود بينكم مهما كبر، الأحضان ، النكته ، السوالف ، فشوه يهتم ولدج؟ ( أو بنتج ) سيارات ، حيوانات ، كرة ،، خلج خبيره في الشي اللي يحبه سوي عمرج تحبينه لومب عارفه السالفه عشان يتكلم وياج دايما،،
.gif "13 (56)")
احتفلي بنجاحاته لو كانت صغيرة ، ما تصورين كيف هالسي يبني ثقته في نفسه، مثلاً علقي ورقة الامتحان اللي يايب فيها درجة حلوة في مكان يشوفونه فيه أهل البيت ، رسمة عايبتنه ،،
هاي أشياء حظرتني حبيت أشاركم فيها ، ، الله يباركلي فيهم ويبارك لكم في عيالكم 
، ياليت اللي عندها أفكار تحط أفكارها عشان كلنا نستفيد،،
اللهم أصلح ثمرة فؤادنا وبارك لنا فيهم وبلغنا أملنا فيهم ومتعنا بهم يا رب العالمين ،، اللهم أعنا عليهم وأعنهم علينا
المشاركة الأصلية كتبت بواسطة جروح_دمية 
الله يبارك لج في ولدج ويقر عيونج فيه وتشوفينه مثل ما تتمنين وأكثر .gif "12 (60)")
د
ااناولدي 9 شهور ومن الحين افكر في تربيته افكر كيف بعلمه على المسيد وكيف بحفظه قرآن
الله يبارك فيهم ويحفظهم
المشاركة الأصلية كتبت بواسطة أم كاكي د
ااناولدي 9 شهور ومن الحين افكر في تربيته افكر كيف بعلمه على المسيد وكيف بحفظه قرآن
الله يبارك فيهم ويحفظهم
المشاركة الأصلية كتبت بواسطة منى الحمادي يزاج الله خير ،، شهادتج أعتز فيها ،، والأم المثالية كلنا نتمنى نكونها وانشاالله الله يقدرنا ،،