موضوع قريته في منتدى ثاني وحبيت فكرته كل وحدة تدخل وتقول كيف تقضي الوقت فالطيارة
هل ساعات الطيران بالنسبة لج متعة ؟ولا وقت تتمنين تقضينه فالرقاد ويخلص ؟
انا عن نفسي احب اكون واعية واقرا مجلات و جرايد واشوف التلفزيون خخخ حتى مجلة السوق
الحرة اجلب بها لو ما ابغي اشتري شيء واشوف مجلة التلفزيون والأفلام اللي بتنعرض فالرحلة ..
واوقات ادخل العب العاب وخاصة اذا الرحلة طويلة ……..وآخر شيء افكر فيه اني ارقد ما ابغي
شيء يفوتني اذا الرحلة طويلة اكثر من 6 ساعات ارقد شوي …بانتظار مشاركاتكم ..
عندي مشاكل في الأذن اليسرى فعسب جي أحس مرات بدوار لما أنزل من الطيارة .. ومقدر أرقد وصعب إني أرقد .. أيلس أتابع أفلام يابانية على الشاشة إللي جدامي و ألتهي بالأكل و الراديو .. بس السماعة طووول الوقت على إذني و أطول عالصوت لأن يخفف الضغط على إذني .. 3= .. وإن دق في راسي أيلس أطالع من الدريشة .. XD
الله يعافيج …ريلي عنده مشكلة اذنه يوم يسافر يتعب وخاصة ان كانت تيه فترات رحلات في اوقات متقاربة وسار
عند دكتور في الأذن ووصفله حبوب اول ما تقلع الطياره ياخذ حبة وخفت المشكلة عنده وايد …جربي تشوفين دكتور
انا احب اسافر بالليل .. و فالطياره وا شي اشوف الافلام طبعا اختمهم .. و اشوف الجو من الدريشه روعه .. بالليل .
و اخر شي يوم اشوف الناس كلهم رقدوا احط القران و ارد الكرسي لورا و اتلحف .
و اخر شي يوم اشوف الناس كلهم رقدوا احط القران و ارد الكرسي لورا و اتلحف .
موفقه غناتي
اقرا مجلات و جرايد و لازم مصحفي وياي يعني اخصص وقت حق قراءة القرآن خصوصا اذا مسافره بدون عيالي ووقتي يكون كله ملكي و ارقد شوي لأني آخذ حبوب الدوار و احب اشوف المسلسلات خاصه الكوميديه.
احب اكون واعية واقرا مجلات و جرايد واشوف التلفزيون