كيف خبرتي ريلج عن موضوع الدورة الشهرية ؟!!

السلام عليكم و رحمة الله و بركاته

طبعا ممكن طلب:: يا ريت البنات الي مو معرسات لا يردن على الموضوع ،، مو علشان شي حبيباتي ,,, بس لاني بالعاده في مواضيع العرايس اقعد اطوف 32732 صفحه لغاية ما اقر رد يفيدني ( كيف حسبتي انهم 32732 صفحة خخخخخ) اقروا ما عندي مشكله ، تعلموا اذا حابين بس بليييز الا ما عندها شي يفيدنا لا يرد بس يقرا

حبيباتي

ما ادري اذا فيه حد طرح الموضوع هذا من قبل … فاذا انطرح يا ريت تطرشون لي الرابط

خواتي

انا عرسي ان شاء الله بالصيف

و انا وحده جريئة بس استحيييييي ( كيف جي ما أدري)

يعني اقصد فيه سوالف استحي منها وااااايد

فأبغي اسأل الحريم المعرسات ، هل ريايلكم كانوا يعرفون بموضوع الدورة و الا انصدموا لمن خبرتوهم انه فيه شي اسمه الدورة ؟؟؟؟

و اذا انتوا خبرتوهم كيف قلتوا لهم

انا صراحه ما ادري كيف اتصرف و من الحين خيفااااااانه

و السموحه على الاطاله

حبيبتي ماعليج لا تحآتين ^^
الريآييل يفهمون كل شي الحين ماعليهم قصور

انا ريلي شاف مزاجي خربان وراقده وحاطه ماي حار وبطني تعورني وشوي وبصيح خخخ
قالي الشهر ؟ قلتله هييييييييييييه عليك نور خخخ
وطلبت منه قلتله لو سمحت ممكن تييبلي الويز وهوؤ بيفهم

والسموحه منج فديتج

حبيبتي انا يمكن كنت جريئه شوي مع زوجي في ايام الخطوية
كان زوجي يتصل بي الساعة 5 الصبح ويوعيني للصلاه وانا مرات ابي انام مب علي صلاه
في مره عصبت قلت له انا ما اصلي عندي الدورة سكت واتقفط ويه
ويوم سألته بعد العرس عن الدورة قال انه يعرف هاي السوالف .

شباب ما يخلون شي ما يعرفون
وثانيا ليش تستحين
حبيبتي لا حياء في الدين

حرام شو يعني لو البنات العزابيات ردن !
يمكن فيهن الفايده
والله ثم والله ملاحظه ان العزابيات اكثر
فيهن الفايده !!
وخصوصا في الافكار وهالسوالف
ماشاء الله يعني عن احسدهن !
يمكن العزابيات يعطنج افكاررررر
وكيف انج ماتستحين او بالاحرى
تقللين من المستحى!
مو شرط العزابيات مايفيدنج بالردود
وتدورين بين الصفحات ماتلاقين الافاده منهم
حتى المعرسات بتلاقين مافي فايده منهم

——-> امثال ردي
استفدتي منه شي؟
طبعا لا

ان شاء الله البنات يفيدونج>>سوري رديت لاني مافدتج بشي> مع اني مالجه !
هذا دليل ان العزابيات يمكن ارحم
يعني جان كتبتي المعرسه والا العزابيه اللي ردها مافيه فايده
لاترد فيه وتريحني !!

صح والا

والسموحه,

حبيبتي انا ما عندي مشكله مع العزابيات
تراهم خواتي و انا في يوم من الايام كنت مثلهم
بس الفكره انه صدق هم بيتكلمون من راسهم بدون تجربه
و المجرب غير عن الي يعتقد شي ثاني

و الا انا غلطانه

و السموحه يا الغلا منج و منهم
و اتمنى تكونين فهمتي قصدي

خواتي

انا ادري ان جيل هالايام اولاد و بنات يعرفون كل شي

بس معقوله كل الرياايل يعرفون هذي السالفه ؟؟

و هل فيه حد منكم ريلها ما كان عارف و هي خبرته او سأل ربعه بعد ما خبرته ؟؟!!

يزاااكم الله خير

ماعليج حبيبتي كلهم فاهمين هالسوالف حتى اليهال يفهمون
لاتكبرين الموضوع