مرحبا خواتي …
شحالكم …..
بنات ابا اسال … الحين الموعد اللي يعطوننا اياه في المستشفى ..اقصد موعد الولادة …دايما يكون صح …؟؟
لاني احسب بالاسابيع ..ويوم حسبت …لقيت ان ال 9 شهور تخلص قبل الموعد اللي عطوني اياه بــ 3 اسابيع تقريبا …
وخبروني ان البجر دايما تكون غير …يعني الحرمة تربي عقب الموعد اللي عطوها اياه ..مستحيل قبله ………..!!
صدق هالكلام ؟؟
والله يقووومج بسلامه يارب
في مستشفيات تحسب على أخر موعد للدورة + 7 أيام ويعطوج اليوم المتوقع للولادة …
بس مب كل المستشفيااااات بتضبط لج موعد الولادة ممكن تأخرين وممكن تقدمين عااادي
عشان تحسبين موعد الولاده .. تكتبين اليوم الي يج فيه الدوره آخر مره ( اول يوم من آخر دوره ) بعطيج مثال عشان تفهمين مثلن اول يوم من آخر دوره كان تاريخ 3 – 9 – 2024
اتزيدين 7 ايام واتنقصين 3 شهور واتزيدين سنه يعني يوم الولاده بيكون
10 – 6 – 2024
اتمنى اتكونين استفدتي من المعلومات الي قلتها ^_^
بس انا كنت اراجع فالكورنيش ودار الشفا والدكتورتين عطوني نفس التاريخ .. بس ما ربيت في هالتاريخ! ربيت بعده باسبوع