السلام عليكم
القياس علبة زبادي
المقادير
علبة زبادي
طحين نفس العلبة
زيت نص علبة الزبادي
نص العلبة سكر
بيضتين
ملعقتين صغار بيكنج بودر
وشوي فانيلا
الطريقة
نخفق البيض والفانيلا
عقب نضيف السكر ونخفقه
عقب نضيف الزيت ونخفقه
وبعدين الزبادي
ونخفقه
والطحين اشوي اشوي بالتدريج
واخر شي البكنج بودر
ندهن الصينية بزيت ونرشها بطحين
ونصب الخليط داخل الصينية
شغلي الفرن من تحت تقريبا ساعه 190 درجة الحرارة
عقب الفوق بسرعه راح تستوي يعني خلج واقفة يم الفرن
التوفي
2 فنجان سكر
وقشطة او قيمر مثل مانقول
نذوب السكر بقدر صغير
لين يستوي لونه ذهبي
نضيف القشطة ونحركه لحد مايتماسك ويغلظ
ونصبها فوق الكيكة وخليها ترتاح اشوي
بعدين قطعيها
وهاي النتيجة
وبالعافية عليكم (:
٦ مشاهدات ولا رد):
ما شا الله شكلهاااا روعه وان شالله بجربهاااا
مشكورة حبوبة ويزاج الله خير
يمي يمي 
…. لذيذه ^^
…. لذيذه ^^روووووووووووعــــــــــــة^^
بجربها إن شاء الله
تسلم إيـــــدج الحلوة ^^
روووووعه.. مشكوره