{كيكة متعددة الاستخدام وكالعادة سهلة}

اليوم بحطلكم طريقة كيكة سريييييييعه (( كالعادة))..

ماذكر من وين خذتها وزدت وعدلت فيها ..

وكل مره اسويها بطعم وشكل ونكهة مختلفة..

وأهم شي انهــا ..

سريــــــعة … وماتكلف شي..يعني مقاديرها دايما موجوده في كل بيت..وكلها على بعض ماتاخذ ساعة.. وخفيفه يوم تاكلينها.. وتنفع للعصرية..

جني رمست وايد..خلنا في المهم..

.. المقـــاديـــر..

– 3 بيضات..
– نص كوب سكر..
– ربع كوب زيت..
– كوب طحين..
– ملعقة طعام PB..
– فانيليا .. او هيل .. او قرفة .. او ماي ورد .. ( استخدم كل مره نكهة من النكهات واحيانا كلهم)

.. الطـــريــقــة..

– تخلطين البيض ويا السكر .. لين يتغير لونهم ..يعني من 3-5 دقايق .. واتضيفين عليهم الزيت..

– وعقبها الطحين المخلوط بالبكنج باودر .. وقبل لا تسكرين اتضيفين النكهة..

– وتدهنين قالب حجم وسط بالزبدة.. ( لما تدهنين بالزبدة ماتلصق الكيكة مب شرات الزيت)

– تحطينها في الفرن مدة 35 د…. على درجة 160…ويختلف من فرن لفرن طبعا..

وهاي صور لبعض الكيكات اللي اتذكرت وصورتها ..

هاي كيكة بالهيل والقرفة وماي ورد .. عاديه بس لذيذة وخفيييييييييفه للعصرية

هاي بالقرفة .. يعني تقريبا حطيت ملعقتين او ثلاث قرفة ..ورشيتها بالسكر المطون
وسويتها مره ثانيه ورشيتها بالحليب المركز المحلى .. وطلع طعمه جريب من السنابون
ولذييييذ .. ويوم ماليبارض اسوي هالكيكة حق العصرية ويحبونها .. لانها خفيييييييييفه

هاي بلونين .. نص بالطريقة العادية والنص الثاني كاكاو مع القهوة العربية.. اللي نسويها يوميا
وطلعت لذيييييييييييذة … خاصه اذا تحبين القهوة..

يمممم لذيــــــذة واتخبلوا عليها الشباب .. وكان هاك اليوم وايد حر .. سويت كيكة بالكاكاو
ورشيته بصوص هيروشي … وحطيت وياه ايس كريم كاكاو العادي اللي بعلب بيضه .. ورشيته بالصوص.. واتخبلوا عليها ..

اخوي ياني وقالي سويلنا سويت خفيف ربيعي بي الحين .. وسرت سويت كيكة بالطريقة العادية
وحطيت وياه ايس كريم المحشي بالمكسرات ورشيت عليه ايس كريم..
وقالي اخوي لذيذة الكيكة .. واربيعي وااااااايد عيبه وخذله صحنين:1 (40):

وها شكل ثاني الفواكه المعلبة..وحطيتها في الثلاجة عشان تبرد

قصيتها ورتبها .. وعمي عيبه الكيك ..وقال طعمها مثل السوق.. لانه العصير الفواكه المعلبة طرى ولين الكيكة .. والحمدلله عيبته وعيبتهم..

هاي بصوص كاكاو … طلع لذييييييييييييييييييذ ويذووووب وانتي تاكلينه..

صورة للكيكة قبل لا اوديلهم :1 (6): :1 (7):

وها كاب كيك بالتوفي..

.. ملاحظــــــة..

– ممكن تسوينه كل مره بالنكهة اللي تحبينها ..واللي متوفرة عندج..
– تنفع للعصرية ..
– انا سويت بالبرتقال .. والاناناس.. وباللون الاخضر بالفستق وفوقه توفي.. وسويته لونين لون عادي
ولون وردي وحطيت عليه صوص استروبري..طلع خيالي..ووايد نكهات والوان .. وكل مره تظهر
احلى عن الثانية..
– اللي ماتضبط معاها الكيك.. اتجرب هالطريقة وان شاء الله تضبط وياها..

يوم يتنا عمتي وبنتها ..وكنت مسوية كيكتين ..كل وحده بنكهة… طلبت الطريقة ..
وقلتلها ترا نفس المقادير وانتي لعبي فيها .. ماصدقت ..قالت كل كيكة طعمها غير عن الثانية..
وحبيت احطه لكم عشان تسونها

واتمنى انكم ماتنسوني من دعواتكم الطيبة…لانه هاللي اتمناه منكم..

واتمنى انكم اتيربونها وتخبرنا رايكم..

المشاركة الأصلية كتبت بواسطة مس-وانتد

واااااو
احب اتاابع مواضيع
تسلميييين على هاي الوصفه

تسلمين حبوبه على تواصلج

ويعطيج العافية