آآآآآآآآآآآآآآه ولدي مب عارفة اتصرف وياه انا توني مربيه مب مكمله شهر والبارحه رجعت بيتي
كنت ف بيت ماما وكان ولدي يرقد حذالي ع الشبريه ويوم رجعنا بيتنا يرقد بروحه ف شبريته بس اينش
الساعه 5 يصيح ويبى يرقد حذالنا انا وابوه 
عمره سنه وعشر شهور البارحه خليته ف شبريييته وحطيته حذاله بارني اللي يحبه وحطيت حذاله
قرآن لانه متعود احط له قرآن ويرقد ف البدايه صاح نص ساعه عقب استسلم وعقب ابوه تم يمسح ع
راسه واهو ساكت نترياه يرقد مارقد وبدت نوبة الصياح وتم يصيييييييييييييييييييييييييييييح بعد نص
ساعه
واخر شي مارمنا وشلينا وحطيناه ف شبريتنا جان يسكت ويرقد..
شو اسوي عسب يتم راقد ف شبريته ؟؟؟
بليييييييييييييييييييييييييييييييييييييييييييييييي ييييييييييز ردوا علي….
فتره الحماال .. وعقب يت فتره الاربعين ونحن مهملينهم .. وبعد اليهال يرقدون
وياانا ماينلامون اذا بيطنشوونا خلاص الحين وقت الجد بدااا .. حاولي ويااااه
بقولج عن تجربتي وياا عيالي طبعا لعوزوني وايد قبل مايتعوودون ع حجرتهم
يمكن لانهم ثلاثه فالموضوع كان اسهل وطبعا هم اكبر من عبووود ولدج
انجيييييييين ع قوله نبوووض
كنت اغايضهم اقولهم فطووم اشطر منكم ترقد فحجرتها وهي اصلا ماكانت ترقد
فحجرتها فشتغلت الغيره بينهم .. وكنت ايلس اقرا لهم قصص فحجرتهم ليما ايهم
الرقاااد ويرقدوون .. ولكن يبداا التسلل الليلي,, وريلي وااااااااااااااااااااااايد
كان يتضاايج مااشااء الله ثلاثه ع الشبريه وانا خيبه مب شبريه هاي ….
.gif "12 (61)")
المهم كنت كل ماايوا اشلهم مره مرتين ثلاث .. يمكن اكثر واحد لعوزني عمووور لانه
قريب من سن ولدج بس حاولت وااااااايد ويااه ليما وصلت لها النتيجه الحمدلله
لاتقولين ماقدر وهوه عارف انه لو صاااح بترقدينه وياااج الاطفال اذكيااااء
عبود بالغصب يعرف يقول كلمتين مب مال قصص مال دلع
صدقج دلعته وللحينه ادلعه وايد ماعرف احبه واموت فيه يبت عفاري بس هو احس انه البيبي الصغير مالي
وابوه نفس الشي دلعناه وايد اليييييييييييييييوم بنحاول انا وبوالشباب نتحمل صريخه يارب الله يهدييييييييه ويرقد ف
شبريته مايي عندنا لاني ابد ماعرف ارقد اذا حد حذالي يرفسني …
انا كده سويت مع ولدي اول ما كمل 3 شهور يرقد لحاله
و الحين الحمد لله عنده 10 شهور بيرقد فحجرته لين الصبح ساعات بيصحى بيكون عطشان
و انتي الحين لازم تعودينه
حطيه فمكانه حتى لو صاح سوي عمرج عادي عندج يعني لا تسوين له سالفه
اليوم بيصيح و باجر بيصيح و بعده و خلاص بيتعود فأخر شئ يرقد لحاله
بس انتي خليج قويه لما يصيح لا تشيلينه و تقوليله خلاص حبيبي تعالى جنبي
كده كأنج ما سويتي شئ
و في بعد حل تاني و هو راقد حطينله كاكاو ولا حلاوه من الي يحبها تحت المخده
و لما يصحى يحصلها بيستانس وايد بيقول كل يوم برقد و بحصل الحلاوه الي ابيها تحت المخده
و هدا الحل خليه اخر شئ
اول شئ جربي معاه الطريقه الي قلتلج فلاول
و الله يعينج
بصراحة انا من اول يو ينولدون انومهم في سريرهم
اعاني في فترة الاربعين وااااايد بس خلاص يتعودون..اول السرير لازق في الشبرية بس بعدين شوي شوي ابعد السرير عني وانا اراقب الوضع من بعيد واطنش يوم يكون الصياح دلع اعرف من نبرته واقوم يوم يكون الصياح صدق اعطيه اللي يحتاجه الياهل واقرا عليه القران واحطله سورة البقرة كل يوم بصوت منخفض وجو هادي الله يهديهم يناموا بعدين ولله الحمد
حاولي جاهدة عسى الله يهديه ولدج
اليوم قلت حق ريلي يرقد ف النهار عشان ف الليل نتصرف وياه ونخليه يرقد في شبريته اهو كان يرقد ف شبريته
بس من شهرين كنت ارقد حذالي ف بيت ماما لاني كنت حامل وربيت فتعود عشان جيه يوم رجعناا البيت مب متقبل
يرقد بروحه ف شبريته
بحاول اليوم والله يهديه يارب