كي عنق الرحم والحمل

أخواتي الغاليات ، أختي تعاني من قرحة في عنق الرحم وتعبت من كثر ما تتعالج لكن ماشي فايدة والدكتورة قالت لها لازم انسوي لج كي بالتبريد بس هي خااااايفة يأثر عليها وما تحمل ، فأبغي أسألكم إذا حد سوى هذا الكي وهل هو شي خطير ويأثر على الحمل ، والسموحة

انا بالنسبة لي طلعت لي ثالول وانا حامل وسويت كي كهربائي والدكتوره تقول ما ياثر..

وانا اللي اعرفه انه الكي بالتبريد شي بسيط وما ينخاف منه وما يحتاج مخدر حتى..

خليها تسال الدكتوره وتاثيره ع الحمل اظمن لها

مشكورة أم عمهي على ردج وأختي برد فؤادها لما قرت كلامج ، وما اتقصرين

الغاليه وايدات سوون كوووي وحملن ماشاءالله على طوول

اختي أنا كانت عندي قرحه في الرحم سويتلي كي بالتبريد طلعت حااااامل ما كنت أعرف الحمدلله مااا أثر علي

مشكورييييييين حبايبي وما اتقصرون وأختي ألحين أطمنت وارتاحت وحبتكم وحبت المنتدى

و أنا بعد سويت كي بالحمض .. و أنا حامل بالشهر السادس و الحمدلله ما أثر علي ..
و الحين حامل و لله الحمد .. و المنه .. و الفضل .