في البــداية أحب أرحب بفريق الرآبح الأكبر خخخ
1. غزيـــر الدمـع
2. MiSs MŏǾōŋ
3. مشآعر حسآسه
4. sh.85
5. دار الشيوخ
6. فطــامي_لدلوعه
7. heart2017
8. درووووب
9. مرآآيم
10. Om HaZa3
11. بنت الكندي
12. بنوتة عيمان
13. secret dream
14. حرم بو شامس
15. دمعة نمله
16. ~ ЯěĹαẋ !
* قــــوانين العضــوات :
فضلا وليـــس أمراً .. وجودج في الموضوع مهم وطلتج تهمنا وعلومج تهمنا وشو كلتي وشو ما كلتي بعد هاي أشياء تهمنا لا تحرمينا من تواجدج يومياً .. و الحد الأقصى كل يومين
الي بتغيب أكثر عن يومين .. ينسحب اسمهـا من القروب
يمنع منعاً باتا الاقتراب من الميزان إلا يوم الجمعه فقط فقط فقط
جهزي لج دفتـــر حلو وكيوت مثلج .. كتبي وزنج الحـــالي في الصفحه الأولى
و كل أسبـــوع شوفي التطور و ان شاء الله بيكون في زيـــاده
* * * * * * * * * * * * * *
بندخــــل فالجــد
أولاً :
رشيقاتي الجميلات
لا تحملن نفسكن فوق طاقتها
يعني لا تترسين بطنج عـ الآآآآآآآآآآآآآآآآآآآآآآآآآآآآآآآآآآخر عند الفطور
ممكن يوم يومين ثلاثه ينفع بس بعدين معدتج بتتعب و ما بتشتهين الأكل
كلي بقيـــاس . .
و خلي لج شوي لبعد الفطور .. يعني ريحي جي نص سـاعه و بعدين ردي كلي
طبعـا السويت والفواله موجوده بشكل يومي خلال الشهر الفضيل
استغلي الوضع لا تخلين معدتج خاليه وفي نفس الوقت لا تترسينهاا فل
ما ننسى المـاي و الفروت و السلطات مهمه جداً جداً جداً
تفننو في السلطات و الحلويات لا تخلن أكله
ثـــانياً ..
بعطيكم بعض الأكل .. صحي و في سعرات حراريه عـــاليه
هالأكلات مب رئيسيه … هاي نتسلى فيها بين الوجبات
أختـــــاري الي يعيبج
1. المسكرااات
معروف أن المكسرات فيها سعرات حراريه عـاليه ودهون و مفيده للجسم وايد
حفنة يد وحده تسدج يوميا .. واذا تبين تزيدين زيدي .. بس زيادتها ممكن تخلي البشره دهنيه واطلع حبوب ..
الي تحيد بشرتها تتأثر بالأكل و المكسرات لا تاكل اكثر من حفنة يد وحده
كليها وشربي عصير فرش مثلا موز أو مانغوو
و على فكرة المكسرات النيـه الي مش محمصه أفضل 
2. المــــوز
الموز مصدر غني للفيتامينات و المعادن !
تعرفون أن الموز الوسط يعني 118 غرام فيها تقريبـا 115 سعره حراريه
لو سويتي عصير حبتين موز و كوب حليب مضاعف الدسم كم سعره حراريه بتكونين كلتي في هالوجبه ؟؟
أترك العد لكم خخخ وتخيلي تاكلين مكسرات ويا العصير !! يااا ربااااااااااااه عن ذبيحه هههههههههه
3. زبدة الفول السوداني
تبوني أقولكم كم سعره حراريه فيها ؟ اخاف تيني نعال من الحماااس ههههههه
العشر غرامات يعني ملعقة شاي صغيره فيها 62 سعره حراريه ..
نحن يوم نحط النوتيلا ع الخبزه ودنـــا نغرف بملاس مش ملعقه صغيـــره !!
كم ملعقه صغيره بتحطون في الخبزه ؟؟؟؟ أترك العد لكم هع
4. عصيـــــر الفواكه الفرش
ما بياخذ من وقتج وايد .. بدال الفيمتو و هالخرابيط ..
كوب عند الفطور و كوب على اساعه 10 و كوب بعد منتصف الليل هع
بعطيكم فكره عن السعرات في بعض العصاير :
كوب واحد 200 ملي مــن
عصير البرتقال 87 سعره
عصير الأناناس 100 سعره
عصيـر الغريب فروت 76 سعره
عصير التفاح 94 سعره
تخيلو 3 اكواب ومب شرط هالعصاير أي نوع تحبينه كم سعره بيعطيج فاليوم ؟؟
5. الــــرووووب
مع العيــش .. كليه روحه . . شربي لبن .. اشتري روب بالفروت
كيفج اتصرفي .. يقولج 150 غرام من الروب فيه حوالي 243 سعره
كلي قد ما تقدرين بعدين الروب مصدر غني بالكالسيوم
ومثل ما تعرفون الحريم أكثر عرضة لهشاشة العظام يلا خزنوو كالسيوم
عن تعرسون وانتوو عظامكم متفتفته ويبالج سكرااب ترا هاااااااااااااااااااااااااااا ريلج بيعرس عليج ~> احلى تهديد هاهاهاهاي
واذا كلتي من الروب وتعبتي و حسيتي انج ما ترومين تكملينه
سيده و بدون تفكير
حطيه عـ ويهج شو احلى من هيك ماسك خخخ
6. البــــــــــــــاستـا
محبووووووبة الجماااهيـــــر
منو ما يحب البـــاستـا
تفننو يا رشيقات في الباستــــا ترا هي الي خلت آحم آحم الإيطاليات هالكبـــر ^.*
75 غرام من البـــاستـا فيها حوالي 200 سعره و كل ما زدتي الاشياء الي فيهاا شووو يزييييييد ؟؟ قولو مع بعض هع هع
و مع رشة جبنة موزاريلا يمي يمي
7. تتبيلة السلطـــات
تعرفون انه ممكن تزيدون حوالي 70 سعره للسلطه بسسسس من هالأشياء ؟؟؟!!
يلا بنات حلوات وين الصلصات والمايونيز و حركاتكم جهزوو كل شي
8. الكـــــورن فليكس
ليش أطالعوني جي .. 50 غرام من كيلوقز كورن فليكس فيه 185 سعره
انا بقولج شو تسوين !
روحي الجمعيه و تأملي كل انواع الكورن فليكس الموجوده
على الطرف مكتوب كل كم غرام كم سعره حراريه فيه
خذي الي فيه اعلى سعرات حراريه و بث
بسيطه صح !
تعرفين انج لو كلتي عند السحور أو قبل السحور اذا انتي من النوع الي يسهر بتزيدين كمية السعرات الي تاكلينها في الاسبوع اكثر من 600 سعره ؟؟؟؟؟؟ ستميه تسوي علوووم فالجسم لا تستهينون فيها
9. شوي زبده او سمن مـــا يضر
10 غرام من الزبده فيه 73 سعره , 15 غرام فيه 110 سعرات . .
مكعبين زبده صغار 20 غرام 146 سعره يا سلاااااااام حلاته على العيش
ها شو شعـــوركم؟
صـارت الحياه أسهل هههههه
أهم شي كوني إيجابيه + متفائله
بخبركم عن خلطه انا خذتها من بنت فالمنتدى جربتها تقريبا من اسبوع أو 10 ايام ومستمره عليها
بصراحه النتيجه ملحووووظه خصوصا ورا وجدام خخخخ
للأسف ناسيه نكها بس يزاها الله خيـر
كوب حليب
ملعقه صغيره حلبه
ملعقه صغيره قرفه
ملعقتين عسل
تخلطينهن ع النار وتخلين الحليب لين يفور
كوب واحد فاليوم يكفي
انا اشربه فليل
الحليب يرقدني ~> بيبي ككككك
امي معترضه ع الموضوع على اساس الحلبه مب زينه للبنت ومادري شو
قلتلها انا بشرب شهر وبودر المهم أوصل للهدف الي اباه هع
هذا الي عندي اليــــــوم
انتظروووني بــــاجر مع تخبيص يديد أو بعد شوي ما تدرون ! ^.*
أحول المايك لصديقاتي عضوات القروب ..
كل وحده تدلي بدلوها وتقولنا خبرتها فالحياه وشو انجزت اليوم
حلووو اسلووووبج في الموضوووووع
وان شآءالله عآآآد بنلتزم
عآد أنآ بالفطووووور آكل الأخضر واليآبس مآ أقدر أخفف ههههه يوعآنة
وإن شآءالله بنجيك على وزننآ وكل أسبوع يزيد أقل شي أقل شي كيلوين
ولي عودة أن شآءالله لو عندي أضآفة ^^
شحااالج ريد0؟؟
مشكووره لانج كتبتي انواع الوجباات المفيد لزيآدة الوزن مع اني ما اقدر اوفرها 
المهم ،، انا بعد التعب صرت بس اشرب حليب كامل الدسم (حليب العين) من امس
مره او مرتين باليوم بسـ ما لاحظت اي زيآده بس راح استمر وان شاء الــله ويمكن الاقي زيآده فـ الوزن =) =)
…
دروؤؤوب
بتابعكــم اكيييييييد .. بالتوفيييييييق
بعد م احب الموز بس باكله المهم ازيد
ولازم اخذ كورن فليكس
زين بخصصوص الحلبه ، يقولون انه يمتن بس ريحته قووويه شو الحل !!
،
وقريت ف المنتدى وانا افتر عن العنبر الازرق ف خاطريه اجربه
بس يقولون له سلبيات وجيي
الطرح رهييييييييييييييب