لأني أحبكم أبي أزوركم >>>ساعدوني بديرتكم

مراااااااااااااحب ، انا كويتية ، وحابة ازور دبي ، بليز ساعدوني في:
1- أبي مكان نسائي هادي احصل فيه على عناية بالبشرة والجسم والأظافر ، ويكون مرتب واسعاره معقولة ( أبي أحس إني مسافرة صدق (: ) .
2- الباص المائي اللي يمشي من برجمان يخوف ولا لأ؟ لأن الوالدة معانا أخاف عليها
3- سمعت عن صالونات عندكم في دبي تسوي نقش الحنة بسعر حلو، وموجود كذا صالون في مجمع واحد يا ليت تدلوني عليه؟
4- اشرايكم في المركب اللي في قرية البوم يسوى ولا لأ؟
5- ابي اشتري شي أتميز فيه لا رديت الكويت (يعني مو موجود بالكويت)،مثل شنط أو شيال أو…..إلخ .
6- وأخيراً رشحولي مكان عائلي وهادي للقعدة والسوالف(غير المولات)
وألف شكر يا أهل الإمارات

حياج الله أختي ..و حبتج العافيه ..كان ودي اجاوب كل اسئلتج ..بس ما عرف

بالنسبه للبوم ..الحلو فيه ..انه محترم ..
يعني مراكب ثانيه ممكن تحصلين رقص
و مراكب ثانيه ممكن تحصلين اجانب طبعا كفار و حركاتهم ..

انصحج للمكان العائلي تسيرين حدائق الجو حلووووووو وايد هذي الايام ..
مثل الخور ..واااايد عوده و تطل على الخور و فيها العاب
و مدينة الطفل حلوه فيها ..

حديقة مشرف …تعيشين احساس البر فيها ..و ممكن تشوين فيها ..

حياج الله حبيبتي
وحبوبة دشي قسم السياحة الخوات ماشالله منزلات مواضيع حلوة^^

السلام عليكم ورحمة الله وبركاته

حديقة زعبيل حلوة وكبيرة

حديقة جميرا بيتش اتطل على البحر

صالون جويل في جميرا عندهم خدمات حلوة (هي نفسها جويل اللي تطلع في برنامج بصراحة أحلى)

صالون ديجافو عدال مركز لامسي .. عندهم المناكير والبداكير والسشوار للشعر حلو

بخصوص الباص المائي .. ما أعتقد أنه ايخوف بإذن الله تعالى

في جميرا بيتش رزيدنس .. عندج ذي ووك (الممشى) .. المكان حلو .. خصوصا في هالجو

وحياج الله عندنا حبوبة

ياهلااا فيج حبووبة في الامارات

حياكي الله بين أخواتك

حيالله هل الكويت هلي سافروا الكويت واستانسوا وااايد