لا تهملون المشكلة بليز

خواتي انا عندي قريبه من الاهل او بالاخص من اهل زوجي صغيره عمرها 17 سنه
دايما احس هالبنت بروحها وما تهتنم شرات البنات الاي بسنها …كشخه وغيرها وكل ما اسولف معاها كلة اتقولي ملانه .مضايجه يعني مالها خلق والدراسة بالغصب ومستواها مقبول …وزوجي قال ان هي تفكيرها اقل من نسنها …وتكسر خاطري وايد اتقربت منها وحبتني يحليلها…ولما ارمس معاها احس انها فيها اكتئاب …ما تحب تطلع حاولت معاها ما شئ فايده,,,واتقولي اوقات لو عايشة ابرحها احسن واوقات اتقول انها ما منها فايده …والحمدالله عايشة بجو اسري رائع …وعندها خوات عسل من سنها واكبر بس هي غير عنهم…واتقول اوقات ان خواتها اوقات يقفطوها مع انه انا فهمتها ان الخوات اتصير من بينهنم ضرابات وغيرها بس عادي …

وااايد بصراحه تغمضني ولما اروح بيتهم قاعده بروحها ,,,وما تندمج …وتراه هي بعد ابوها متوفي ,,بس امهما الله يحفظها ما حسستهم بالنقص ,,,ما اعرف شو اشخص حالتها والله مرات اطرش مسج لي واتقول انها مضايجه لما اسالها ما احصل جواب

شو اسوي معاها …ابها اتكون عاديه شرات بنات سنها,,,ما اعرف كيف

والله ما عرف شو اقولج اختي بس يمكن لو تميتي وياها وتقربتي منها اكثر اتفج اشوي لانه شكلها مامحصله حد يهتم بها دامها طرشت لج مسج انها مضايقه فهذي بادرة خير خلج وياها يمكن اترومين اتساعدينها والله يجزيج الف خير‏_‏

خلج دايمن وياها يمكن تفتح قلبها وترتاح لج وتحس ان في شخص من هالدنيا يهتم بها..

والله يفج عنها هالاكتئاب يارب

فديتج بقولج معلومة:
لا انتي ولا انا ولا اي وحدة في المنتدى تقدر تساعدج في هالمشكلة
مافي حل الا انج توديها عند دكتورة نفسانية
الي فيها مب طبيعي ويمكن يكون نتيجة عكسية لظرف صار في حياتها
وماشاءالله في دكتورات مواطنات والنعم فيهن في هالسوالف

الله المستعاان00حبوبة كلهم في هالسن جيه

علميهاا تقراا كتب وتشغل الفرااغ والملل00بس في شي مفيد

وهذاا دورج هي الحينه قاابله تجرب اي شي في

سبيل قتل الفراااغ

الله ايسر اموركم ويسعدكم عزيزتي

الله يفرج عليها يارب يارب

تحتاج لرقيه