الحمد لله على كل حال انا يا طويلات الاعمار
وزني وصل 103 علماً انه طولي 172 وكنت ضعيفه اللين الثانويه عقب مع فترة الدراسة الجامعية كنا شله لاعااابه واللعب حلاته فالكانتين يعني كنا كله فالكانتين ومحد يتواجد في هالمكان الا ييلس يطفح لدرجة اننا مرات نتريق مرتين و لا ومرات 3 مرات
متنت واااايد في هالفتره علماً اني دخلت الجامعه وزني 58
تخرجت و وزني 88 كيلو وعقب خلااااااص استويت درام متحرك واموت فالاكل مع اني قبل والله شاهد اكل بضرابه اكون ما ابى اكل ويحلفون عليه اكل او انه ابويه رحمة الله عليه يحلف ما ياكل لو ماكلت وياااه
والله وربي شاهد اني تعبت وايد من وضعي الحالي وابى اضعف وابى المعونه منكم ربيعتي تقولي سيري عند الشمري هي عنده وضعفت وايد و وبنات عمومتي في منهن سارن لنيوتريشن وضعفن وايد بعد
اهليه مايبوني اسير للريجيم الكيماوي وماخلوا جهاز الا اشتروا لي ايااه
بس انا بديت احس انه ماشي امل
كنت رياضيه وايد اللعب كل انوواع الرياضات واستانس وايد في الطلعات العائليه علما اننا عايله طلعاتها للبر بالذات كثيره جداً
استويت انزل من السياره ويا كرسيه ايلس على زاويه مايخصني في حد اتفرج بس
مع انه امي وخواتي وبناتهم وحريم اخواني ويناتهم
يلعبون ويتراكضون واذا تنازلت ولعبت وياهن ايلس عقب 5 دقايق من التعب……
حالتي صعبه واتعب بسرعه وما عندي ارادة قويه
لاني استسلمت انه وزني القبلي صعب يرد
بس والله راضيه اكون وسط لا ضعيفه ولا درام
قريب عندنا مناسبات في العائله واتمنى انزل قبل شهر 6 العام القادم اذا الله احيانا
ابى انزل 30 كيلو والله وربي شاهد ما راح انسى اللي تساعدني وحيكون لها من الحب جاااانب
يزاكن الله خير
بس نصيحتي لج ابتعدي عن الكيماااااااااوي
بتتعبين و بشرتج و شعرج وايد بيتاثرون غير انج بتردين وزنج عقب فترة الرجيم
اختاري نوع مناسب من الرجيمات اللي تحسينه يناسبج و امشي عليه
ولا حاولي تخففين ….
عني انا اخفف لاني ما احب التزم برجيم معين
صح اكل اللي اباه و في حدود و عقب ينحرق بالمشي
طبعا الرياضه كنت اكرهها خيييييير شر
بس الصراحه فرق عن اول مره مشيت فيها تعبت عقب دقايق
الحين اكمل اكثر عن 40 دقيقه
المهم في هالموضوع هو الاستمراريــــــــــــــــه
جربي تخففين وشوفي كيف طبيعة حرق جسمج
في ناس يخفون بسرعه ما شاء الله و عقب ابدي رجيم متوازن
طبعا لا تنسين تشربين ماي وايد وي جاي اخظر
وبتشوفين الفرق
الله يوفقج و بشرينا و اي سؤال حاظرين
والسموحه
وان شاء الله نوصل للوزن الي نباه
وين مكانه؟؟