المقادير
2كأس دقيق
4 ملاعق كبيره حليب بودره
1 ملعقة كبيره سمن المراعي
1 ملعقه كبيره نشــأ
1 ملعقه كبيره خميره فوريه
ذرة ملح
شوية زعفران مطحون
وكوب ونصف مـــــــــاء
الطريقه ..
تحطين اول شيءالمويه وتكون دافيه شوي وتذوبين فيها الخميره
بعدين تحطين السمن وتحركين الخليط ثم تحطين باقي المقادير ماعدا الدقيق
وتخلطينهم زين بعدين تضيفين الدقيق وتخلطينه مع الباقي وتضربينه عدل بيدج
تتركينها لين تختمر انا اخليها ساعتين
وهني اباكم شوي تركزون ويايه
اذا قليتي القيمات لازم تكون يمبج طاسه كبيره فيها الشيره وتكون بارده جدا
يعني تشلين القيمات من الزيت وهي حاره وتحطينها في طاسة الشيره على طوووول
ثم تاخذينها من الطاسه مالت الشيره وماتخلينها تتطول على طول شيليها
وتحطينها في مشخال او صفايه لين تتسرب كل الشيره منها
ثم على طول حطيها في صحن
وانا بعض المرات ماحط شيره احط دبس وارشه بالسمسم يطلع شكله اممممممممم يجنن
بس دخيلكم لاتنسوني بدعواتكم ان ربي يرزقني بذريه صالحه معافاه
تسلم اييديج غناتي…
ويتي ف وقتج الصراحه…من يومين ابا طريقه مضموونه …
ابا اسويها ومافيني اسال الوالده…هع عن تفشلني و تقول بنتها ماتعرف تطبخ….خخخخ
و السمووووووووووووووووووحه
افا حبيبتي ليش الزعل؟؟؟؟؟
بصراحة لقيمات شكله حلوووووووووووو ما شاء الله
يا رب الله يرزقج بالذرية الصالحة امين!!!
اختج صمت
ومشكوره على الوصفه انشاء الله بجربها