خواتي للي يعرفون كيف يشترون من النت ،، لقيت موقع شنط واشياء ماركات مختلفه وايد حلوو بس اظني تقليد لان الاسعار مش غاليه وايد ،،
بس ما اعرف شلون اشتري منه ،، فاللي تقدر يا ريت تساعدني ،، وتشوف اذاالموقع اوكي او لا لاني ما عندي خبره بهالسوالف ،،
اللي تعرف تخبرني عسب اطرش لها الموقع
ومشكورين
ان شالله حد يفيدج
1. لازم يكون عندج فيزا كارد او ماستر كارد من اي بنك
أو تسوين ماستركارد للشراء من النت فقط من بنك ابوظبي الوطني ( سيرفركارد)
2. تفتحين بريد في امريكا و بريطانيا عن طريق خدمة shop&ship في ارامكس اتصلي ع( 600544000) واختاري شوب اند شيب و قوليلهم تبين تفتحين اكاونت و سجلي بالنت….وعقب هم بيعطونك عنوان البريد في امريكا و بريطانيا
تشوفين الموقع و تشترين و تحطين نفس العنوان الي عطوج اياه و عقب هم بيوصلون لج للبيت برسوم للنص كيلو 39 درهم.
اول ارامكس (قبل 6 سنين) كانت تييب الاغراض في خلال اسبوع من امريكا او 3 ايام من بريطانيا … سريعين ،،
لكن الحينه وايد يتاخرون….
و بخصوص المواقع .. غناتي انتي لازم تشوفين المواقع اذاعالمي او لا … اهم شي شوفي المواقع المشهورة مثل امازون و غير مثل نورد ستورم
و ووايد بعد بتحصلينهن في موقع ارامكس
حطي الموقع و بنشوفه … و الشنط صح ممكن مواقع تبيع التقليد // يعني بالخبرة بتعرفين الموقع زين او هب زين
و السمووحة غناتيه
موفقه
حتى لو ماكان حسابج عندهم, بعدج تقدرين تاخذينها
بس سالفه بريد وغيره ،، اعرف فيه عضوات يشترون ويوصلون وياخذون عموله ،،
المهم هذا الموقع وشوفوا لي اذا اوكي او لا
زين يوم حطيتي موضوع لني كنت ناويه احط واستفسر كيف اسويلي بريد
^^