الحمدلله ولدت يوم 10-6 بمستشفى دبي
وحبيت أفيد أي اخت بتسأل عن المستشفى
الصراحة المستشفى رائع بكل معنى الكلمة..
قصة ولادتي:
نزلت مني مية الراس وانا بالبيت وما كان عندي طلق وعلى طول رحتى على الطوارئ في المستشفى مع انه ماكان عندي فايل أبداً بس استقبلوني وجلسوني وأخدوا قياس ضغطي وفحصوا التوسع وبالألتراساوند اطمانوا على الجنين وكتبولي إدخال..
وجلست معي نيرس كتيييير طيوبة بالطوارئ وجابت كتاب عن الولادة وخبرتني شو راح يصير معي وقت الطلق وشو المفروض اعمل وعلمتني المساج اللي لازم الزوج يعمله لظهر زوجته وقت الطلق عشان يخف.. وبعد مازوجي عمل إجراءات الدخول طلعت على غرفة الطلق.. نظيفة كتير والستاف بهتموا فيكِ كل شوي تيجي نيرس تتطمن عليكِ ويسألوني شو بحب آكل وشو نوع غذائي.. الخ طبعاً استنيت 10 ساعات وما إجاني طلق طبيعي فأعطوني طلق صناعي لاني كنت مخلصة شهري.. بخووووووووف يا مامي بموت من الوجع!!
المهم،، بغرفة الولادة كانت نيرس هندية عمري ما بنسى اسمها (براميلا) كانت طيوبة كتيييييييير واتحملتني وطولت بالها علي كتير والحمدلله ولدت حبيبي موسى الله يحميه.. واحلى شعور لما تولدي على طول بحطوه على صدرك تحميله يا حيااااتي انا 
وبعدين إجت دكتورة عراقية سوت لي الخياطة والحمدلله الخياطة كويسة ماعانيت أي مشاكل .. وطول والوقت وهي تخيط احكيلها رجعيه متل ما كان وأحسن هههههههه وبعدين جابولي العشاء وانا بغرفة الولادة اتعشيت كنت جووووووووعانة كتيييييييييير ههههههههه 
بعدين إجت النيرس اللي ولدتني ساعدتني ادخل الحمام وغسلتني ولبستني ملابس جديدة وجابولي الكرسي العجلات وحملت البيبي بحضني وطلعوني على الغرفة.
هلأ بالنسبة للغرف لاحظت الكل بسأل عن الغرف ال ـ VIP فحبيت أفيدكم:
في غرف VIP بتكون جناح كبيييييير يعني بتنامي إنتِ وعيلتك على قد ماهي كبيرة.. هذه بتكلف بالليلة 1500 درهم.
أنا حجزت غرفة private حلوة كتير وفيها حمام و couch يعني ببقى معك مرافق.. هذه بتكلف 500 درهم بالليلة.. الحمدلله ارتحت بالغرفة كتير.
البيبي بضل عندك طول الليل يعني مافيكِ ترتاحي وتنامي منيح لانه بضل يصحى يرضع.. يعني المستشفى ما بياخدوا البيبي على الحضانة خلال الليل لأنه لازم تضلك ترضعي طبيعي منك وممنوع الحليب الصناعي.
طبعاً خلال الليل كتير بيجوا دكاترة ونيرسات بطمانوا عليكِ وعلى وضعك واذا لازمك شي. والصبح بتجي دكتورة نسائية تطمن على الجرح والقطب. وبعدين بتيجي نيرس أطفال بتحمم البيبي قدامك وبتعملك كيف تحمميه وتمسكيه وترضعيه.. وكمان جابولي هديتين من بامبرز وجونسون عبارة عو 2 بوكسس كبار فيهم دايبر وشامبو وشاور جيل وبيبي أويل.. وبسكوت خلص للام.. ومواد مطهرة ومعقمة وكتيبات عن البيبي والعناية به.. وناسة كتير
وبيجي دكتور اطفال بفحص البيبي من فوق لتحت وبعطيه مطعومين: مطعوم الكبد الوبائي ومطعوم السل.
بالنسبة للتكاليف كلفتني الولادة مع الغرفة Private لليلة واحدة 3500 درهم.. يعني ببلاش..!! والصراحة يابنات بنصح كل وحدة تجرب الولادة بمستشفى دبي.. كتير طيوبين وحبوبين والاهم إنها مابتكلف كتير.. يعني والله حرام الوحدة تدفع الآف الدراهم عشان ليلتين إذا كانت ولادتها طبيعية.. وصدقوني المستشفى روعة.. انا مابعجبني العجب دايماً بس القول الحق انه مستشفى دبي ولا خدمة 5 نجوم.
وأي سؤال انا حاضرة
يتربى بعزك و ابعز ابوووه ..وكله كوم واللهجه الحلوه كوم تاني …ياي
والله يخليه لكم يارب
ربي يحفظ شيوخنا صدق صدق ما مقصرين