ترى انا ما عرفت احط الموضوع في اي قسم ولا حتى شو العنوان المناسب لكن سؤال يدور في بالي واتمنى احصل على اجابه ==== انا اشوف بعض البنات وايد يهتمون في نفسهم من ناحيه البشره و الجسم والصحه الخ == الحين سؤالي هو كيف الوحده تبدا بهذا الشيء == يعني مثلا انا اعاني من الحبوب في ويهي لان بشرتي دهنيه و عندي ما شاء الله كرشه محترمه مع اني ضعيفه وابا اهتم بشعري علشان يكون شوي ناعم لانه كيرلي او مجعد === امممم لحظه خل افكر شو بعد === نسيت لكن الي ابا اعرفه هو كيف الوحده تهتم بشكلها لان انا عندي وقت لكن ما عندي العزيمه الي تخليني اسوي شيء ولا حتى احصل تشجيع من الي حوالي == بانتظار ردودكم بارك الله فيكم
يعني مثلا انا بشرتي دهنيه وووااااايد كانت اتحبب واول شي بديت بالخلطات المنزلية مثل ماسكات وليمون وهالسوالف وكان تاثيره بطيء ومرات ماينفع وعقب سرت العيادة وطلبت دهن وكريم موضعي وتم فتره اوكيه بس عقب رد فقلت لازم اعالج من داخل يعني الاسباب الرئيسيه فسرت العيادة الجلدية وعند اخصائية وماشاءالله سوتلي فحوصات دم وعطتني ادوية وكل شي والحمدالله رب العالمين الحين يوم اشوف صوري القبلية اقول مستحيل كنت جي وماصدق هاي بشرتي هههههه
يعني ماشاءالله ماشاءالله وايد تحسنت حالتي
فعشان بشرتج انصحج اتروحين عند اخصائية جلدية واتشوفلج العلاج والله يشفيج ان شاءالله
وعن الكرش انا بعد ظعيفونه بس الحمدالله الكروشة ماتظهر الا بعد الاكل
فحاولي اتسوين رياضة البطن ولاتشربين غازات ولا تاكلين عيش او وجبات دسمه فالليل وطبعا كثري من السلطات والفواكه وشرب الماي
يعني ريجيم بس مب قاسي سوي اللي تقدرين عليه وخففي الاكل وسوي رياضه لو عالاقل المشي
وعن الشعر حطي زيوت طبيعيه مثل الخروع وجوز الهند وغسليه مرتين فالاسبوع لا اكثر واخر الاسبوع حطي حمام زيت
ولاتسشورين وله اتحطين جل وسبريه وهالسوالف
وان شاءالله اكون افدتج و انا جي اهتم بعمري بصراحه
حطي هالنقطه في بالك زين
انك اذا بديتي في شي وتحسن
مثلا استعملتي كريم او خلطه لبشرتك
عشاان الحبوب
وخفت
لا تتركينها
اسمري علليها طوووال حياتك
ولا ترى بترجع لك مثل اول واكثر
اساليني
بديت اهتم بشعري
ويوم شفت فيه تحسن تركته ورجع مثل اول واشد
وقد ما تعطين بشرتك من اهتمام
قد ما تعطيك من نظاره
والشعر مثله ترى
ادري مو هذا اللي تقصدينه
بس حبيت انبهك
ودام ان شعرج مجعد سوي حمام زيت بعد كل اسبوع وسيري الصالون اقل شي فالشهر مرة يقصولج اطراف شعرج لاااازم عشان مايكون متقصف وتسوين بديكير ومنيكير بعد كل اسبوعين او كل شهر يعني اللي تقدرين عليه
وقبل لا ترقدين خذي قطن وحطي فية ماي ورد وافركي ويهج فيه وااايد زين حق البشرة
وهاللي عندي وان شاااء الله تستفيدين ^^
وبعد خليت حرمه يارتنا تشوفه قالت ها وايد زين وتريد تاخذ منه بعد
وعن الشعر ماعليج الا بجوز الهند انا حرمه خالي تستخدم زيت فاتيكا وايد نفعها هي وبناتها
ووووووووووشو بعد هي عشان اتسوين كل ها لازم تكون معنوياتج حق هالشي مرتفه حتى لو مالقيتي تشجيع من الي حواليج يكفي انج تكونين وحده مالكه جسم رشيق
وياعيني لما تشوفين عمرج نايس لول
والسموحه ع الاطاله خويتج فديتني ريماني