حبيت افيدكم ومابى الا دعوه منكم بظهر الغيب
ان الله يحفظلى زوجى وعيالى من كل شر
اخواتى اى وحده فيكم عندها مشكله تخص جمالها
او تبى علاج او استشاره
تطرح طلبها فى هذا الموضوع وسوف ارد عليها باذن الله فى اسرع وقت
الموضوع شامل البشره والشعر والجسم وكل مايخص المرأه
وسوف يتم الرد كل يوم على 3 عضوات
يعنى ياريت لو شفتو فى 3 ردود انا تونى مارديت عليهم تنتظرون لين ارد
وبعدين اطرحو سؤالكم
وباذن الله اكون عند حسن ظنكم
يالله انتظركم
ملحوظه يمنع الاستشاره على الرسائل الخاصه
وهاى رابط الموضوع القديم
ماكنت ادري ان الاستفسارات عن طريق الرسائل ممنوع
وانا كتبت لج مشاكلي بالموضوع السابق ……..
والحين نسخته لج هنيه واتمنى منج انج تردين علي اذا امكن……….
والله يبارك لج في عيالج وريلج ويحفظهم لج ان شاالله..
………………………………………….. ………………………………………….. ..
——————————————————————————–
اختي الله يبارك فيج ويجعله في ميزان حسناتج ان شاالله على صبرج وتفاعلج مع مشاكل البنات
وصدقيني انا صار لي 3ايام مسنتره عدال النت بس اقلب بالصفحات واقراء كل المشاكل والحلول اللي تردين بها عليهم واحييج على طول صبرج بارك الله فيج وفي صحتج واولادج وكل من يعز على قلبج ان شاالله ……………..
اختي انا عندي مشاكل من شعر راسي لين اخمص قدمي مثل مايقولون
واحمد الله على كل شي…………..
والله يعينج على سماع مشاكلي بس هههههههههه
اولا انا كان عندي شعر الكل يحسدني عليه بس للاسف الانسان بطبعه طماع
اتلفت شعري وبشرت ويهي باايدي
بالنسبه لشعري بعد الطول والنعومه والكثافه انقلب كل شي الى الضد
صارت النعومه خشونه والطول ياله يطول في السنه سانتي
والكثافه حدث ولاحرج اصبحت صلعاء من الامام وبشرت شعري الكل يشوفها من خفت الشعر في مقدمة راسي…وللعلم انا شعري ناعم جدا ودهني جدا…….
………………………………………….. …………………………………….
بالنسبه لويهي كان الكل يسأل شو تسوين والله العالم اني كنت مااعرف المكيب ولا الصابون وكنت اغسل جسمي كله وويهي بالسدر دائما
وكان ويهي وجسمي يلمعون من الصفاء والنظاره
لحد مارحت صالون واقنعتني اللي تشتغل فيه انها تسوي لي بخار وتنظيف بالابره لانه كان فيني حبه حق الدوره الله يعزكم
ومن يومها ماشفت خير تفتحت المسام عندي وكثرت الدهون والحبوب
وتحول مكانها الى علامات بنيه تغمج مع الوقت
ورحت سويت تغشير كرستالي وتنيلت بشرتي اكثر وبعد فتر رحت سويت التقشير الاخضر
وشريت الكريمات اللي اقنعتني الحرمه بهم
وللحين بشرتي ويهي دهنيه ومختلطه وحساسه حيل من اي شي وابسط شي تنغلب فوق تحت
وكله كوم والتجاعيد اللي ظهرت عقب التقشير الاخضر كوم واستوت رقبتي يوم اشدها كنها رقبة عيوز وانا للعلم في السادسه والثلاثين من العمر واصبح التجاعيد اللي في رقبتي مثل البرتغاله المجعده
والخط اللي ظهر لي من زاوية العين الداخليه لين وسط ويهي هذا سالفته غير
الحين انا نفسيتي مره تعبانه من كل شي ومن ابسط شي
اختي انا ادري انج مشغوله بالرد على البنات وان شاالله بتريا دوري وتردين علي
ملاحظه……….
انا دورت في نص صيدليات ابوظبي تقريبا على (اللوكسيد والمضاد الحيوي) والكريم الثاني حق الانتي بويتك
وحتى صابونة الجلسرين وتصدقين مالقيتهم وعن الكريمات يقولون مش موجوده عندنا في الامارات (اللوكسيد والمضاد الحيوي) وفي بعضه مايصرف الابوصفه طبيه
بس الصابونه الظاهر ان الخوات سوو اغاره عليها لانه مخلصه هههههههههه
وسلامتج
والسموحه على الازعاج اختي………
بارك الله فيج
الغاليه في الموضوع السابق قلتي(اغلى 5 ملاعق كبيره زنجبيل مع نص كوب زيت السمسم
سؤالي جنزبيل طازج والا بودره ومتى تبدا النتائج)
دمتي بود ويسعدلي مساج
سؤالي .. عندي ثعلبه في مقدمة الرأس شو اقدر اسوي لاني استخدمت الثوم مافاد وظربت ابر وبعد ما طلع
فياريت لو عندج الجواب الشافي تفيديني والله يخلي لج عيالي وزوجج ان شاء الله .. ويوفقج
بانتظارج
أنا مشكلتي أنه فيني حبوب اللي تطلع قبل الدوره وفيها مد ، ومسويه بقع فويهي حتى لو ما لعبت فيهم نفس الشي تستوي بنيه بعدين ، والله تعبت نفسيا منهم ما أعرف شو أسوي ؟؟ ان شا الله تفيديني
ويجزيكي الخير
اسمحيلي اختي انا كتبت لك مشكلتي في الموضوع السابق يمكن ما انتبهتي عليه
برد انسخه هنا
– اشكو من الزوائد الجلدية حوالي العين
وهي عبارة عن اكياس دهنية صغيرة تحت الجلد
طبيبة الجلدية لم تعطيني حل لها سوى بالليزر او الكي
اتمنى ان يكون لها حل بوصفة طبيعية من عندك
2- انا حامل وظهرت لي دوالي الحمل في الساق
شكلها جدا مزعج فما الحل برأيك أختي
سؤال اخير ما عليكي أمر
اغلب وصفاتك ذكرتي فيها كريم الكينا كوم
هل هو نفسه كينا كومب kenacomb
وهل هو آمن كليا أختي وخالي من الكورتيزون؟
مع جزيل الشكر والامتنان
الله يجعل جهدك هذا في ميزان حسناتك ان شاء الله
حبيبتي بغيت اسالج صح انه الروب يفتح المسام؟
و المشكله اللي عندي هي تطلع لي نقط بنية و انا اتحراها نمش و بس مع الايام يتحولون لحبوب خال هال تعرفين علاج لي الله يخليج و الله بموت من القهر اللي فيني من هاي السالفه000