للمتزوجات والمطلقات مواقف ندمتوا عليها !!

الموضوع احسه وايد مهم للجميع

للمتزوجات حاليا

والمالجات واللي بعدهم يتريون نصيبهم

والمطلقات والله يعوضهني ربي كل خير

ياليت كل وحده تذكر موقف استوالها مع زوجها او اهله وندمت على ردة فعلها وجتها مشاكل و عوار راس من وراه او تطلقت بسببه

او شي تظن انها كانت ممكن تكون اسعد لو سوته

وتتمنى لو يرد الزمن وتكون ردة فعلها مختلفه ويمكن هالشي كان ممكن يغير علاقتها بزوجها واهله للافضل

الموضوع فقط حتى يستفيد الكل من هالتجارب بس ولااكثر

عن نفسي كمتزوجه من عدة سنوات اتمنى لو ان فترة ملجتي كانت اطول لانها بس كانت 3 شهور

واني انتبهت على نفسي ولاحملت من اول شهر للاسف ضاعت شهور العسل كلها بالوحام

والله يتيييين على الوتر الحساس ……………ندمت لما سمحت لي خالتي ( إم طليقي ) تدخل إبحياتي وأنا كان القصد
مني أعتبرها مثل الوالده ………….لما إكتشف إنه ليه علاقات ………… سيرت خبرت خالتي على أساس إنها تنصحني … وهي ماشاء الله عليها عصبيييييييييييييييه وايد ….. وراحت هزبته مايسوي بييييييزه …….ويمكن هذا خير لي ……….. لأني فعلا إتبهدلت واياه ……أحياناً أقول لو ماخبرت خالتي أحسن وأحل الخلاف بيني وبينه ……. بس عقب ماإطلقت راح وإزوج إلي كان يعرفها قبل مايخطبني ……..! ! ! ! ويمكن كان يدور سبب عشان يطلقني … والله كريم

والله اعتقد تصرفج كان زين لانج لو سكتتي كان يمكن تمر سنين وانتي ماتدرين شصاير من وراج وتضيع ايامج

وصدقيني من تجربتي ومن اللي اسمعه الريال اللي يبدا حياته بهالنوع من المشاكل نادر يتعدل

والله يعوضج خير عنه يارب ومشكوره على المشاركه

.
.

up

بعدني عزابيه

بس منكم نستفيد

.
.

الحمدلله الحمدلله الحمدلله لي الحينه وكل شي تمااام ..

انشااءالله دووم جيه ..

آآآمين ..

انا ايام الملجة قلت شي بعفوية و ياليتني ما قلت: اوني اباه يغار و قلت له انا كنت احب واحد قبلك…… و قصدي اخوي الصغير، الريال خذته الافكار يمين و شمال و انا احلف له اني اقص عليه و سكر عني، بالباكر قالي انه صدقني بس انا عورت براسه و خربت مزاجه و قال لي لا تكرريها حتى لو مزح.

حلو موضوعج خيتو^^

انا مطلقه من ملجه بس^^

لو ابي اقول موقف ندمت عليه هو موافقتي ع هالشخص لووول

بس هاي مو موضوعج موقف صج ندمت عليه..

اني تشكيت حق طليقي يوم كان خطيبي عن فعله سوتها اخته
لانها كانت مسويه عزيمه بسلامه ولدها وانا مادريت الا يوم وصلت عدهم وانا عبالي يمعه عاديه مثل كل مره

الا اشوف الكل كاشخ وهو ماخبرني الا نفس اليوم او بالاحرى قبلها بساعه

واحنه عدنا عيب لازم هي تتصل فيني شخصيا وتقولي
بس انا غبيه المفروض ماروح ^ من راح بليه عزيمه بات بليا فراش^

ويوم انقهرت وحزت في خاطري ان الكل موجودين يلست اصيح من خاطر
بعدين اونه بعلمه ع طبعي وقلتله احنه من عوايدنا اذا عزيمه حريم لازم الحرمه تتصل وعدنا عيب
ان هي تقولك وانت اتيي تقولي.. بس خبرته ان مايقولها..

معلومه ان علاقتي بهم وايد كانت اكثر عن الممتازه
وهاي اللي حز في خاطري زود لاني كنت مستحمله تصرفاته عشانهم

الموهيم وانا طالعه الا اخته داقتلي تقول ليش تقولين له
وانا وانا وتطلع اعذار اني انا الغلطانه
والحرمه لازم ماتشكى لريلها عن هله
وانتي فعلتج وتركتج …. انصدمت
اونه يوم ولدها مرقد انا ماتطمنت عليه ونست اني كنت في فتره امتحانات ومتعنيه المستشفى حق ولدها
هني يوم قلتلها انحرجت وتمت تبي تقلب السالفه علي..

الموهيم عقب هاي الموقف حسيت اني فقدت الشي الوحيد اللي يربطني به واللي هم اهله
وصار الطلاق..

انا اللي ندمت منه ان هم يمكن خذوا فكره غلط وماسمعوا مني السالفه واكتفوا بكلامها
واللي ماندمت عليه ان لولا هالموقف جان بعيش مع انسان مايستاهلني

رب ضارة نافعه^^

خخخ كاني قلت قصه حياتي لووول

تسلمين ع الموضوع مره ثانيه