للي عندها تجربه عن فندق شانغريلا وشاطىء الراحه ف بوظبي

ضروري وبسرعه بنات
بليز ابا الي عندها تجارب ف فندق شاطىء الراحة ولا شانغريلا ولا قصر الامارات تخبرني روين احلى لأني محتاره وما اعرف شو الاحلى من هاذيل الثلاث كليلة العمر يوم عرسي يعني وين اقضيه بالنسبه لغرفه وحده حق نفرين معاريس

اذا شانغريلا دبي انا انصحج فيه و بدون تردد

بس بصراحه ما انصحج بشانغريلا بوظبي انا سامعة عنه اشيا فيمكن ماراح ترتاحون فيه

بالعكس اختي فندق شانغريلا الي ببوظبي روووعه عليه اشوي،،

انا بيوم عرسي رحت اهناك،، المكان روعهـ والجناح اروع وبخاصه الي يطل ع البحر،، والخدمه ما عليها كلام والمطاعم فخمه والاكل اللي فيها لذيذ وراقي اشوي عليه ،، بصراحه انصحج فيه ،، وهو بمكان برع بوظبي بين الجسرين بترتاحين لا زحمه ولا شي،،

وفندق شاطئ الراحه اخوي راحه بعرسه ،، وقال ماعليه كلااام ،،

والراي طبعا لج،، شوفي صورهم واختاري المكان اللي يريحج ^ــــــــــــــــــــــــــــ^

صراحه شنغريلا عذااااااب رحت له من شهر تقريبا والله يجنن حجزنا لسويت بس صراحه ما طلعنا من الحجرة من حلاتها والمنظر جنااااااااان مطل عالبحر ومسجد الشيخ زايد وفيه بلكونتين وحده في الغرفه وحده في الصاله………….وكله في لسويت ورود طبيعيه ويحطولج فروت والمسا حلويات
غير البوفيه مالهم روووووعه الاكل اشكال والوان وفيه جلسه داخلية وخارجية وعندهم سبا يسوون فيشل عجيب تحسين عمرج تطلعين شي ثاني
وشو بعد السوق البري الا في الفندق صغير تلفينه في نص ساعه وفيه مطعم صيني بعد …

انا جربتهم كلهم وعجبوني كلهم بس على حسب أنتي وريلج يعني اذا بتسافرون أنصحج بفندق شاطى الراحه قريب من المطار وشنغريلا حلو وقصر الامارات ما عليه اي قصور

تسلمون تسلمون تسلمون والله على معلوماتكم بس شكلي ارتحت وااااااااااااااايد لشانغريلا لأنه يطلع على مناظر واااايد حلوه وحسيت ان الريم العيناوية وطيف المشاعر سوو احلى دعايه لشانغريلا واغروني فيه اكثر وانا شفت الصور حق الفندقين الراحه وشانغريلا بس الراحه مو شي وايد…
اهم شي ادعولي بالتوفق يارب

انا اشوف انج تروحين ثلاث فنادق شنغريلا وشاطي راحه و قصر الامارات لان كلهم حلوييييييييييييييييين وخباااااال