وهذا الرجيم جربته قبل كان ينزلني فالليوم كيلو وطبعا بيكون مساعد للرجيم اللي انا مسوتنه من شهر رجيم السعرات الحراريه ونزلت فيه 8 كيلو فالشهر وطبعا راضيه ولله الحمد
بس المشكله ان وزني ثبت في اخر اسبوع لي وحبيت اكسر ثبات الوزن بالرجيم السريع
وادري اغلبكم بيقولي ان بيرجع الوزن بسرعه بس انا اقول اكيد اللي بتسوي لمدة اربع ايام وبتفتح وبتاكل بشراهه لازم بيرد وزنها
انا بسويه لمدة 4 ايام والجمعه بكسر وباكل الي بخاطري ب اعتدال والسبت برجع حق نظام السعرات وبحاول امشي هالاربع ايام عشان اتشجع واشوف وزني نزل وايد واكمل
ادري طولت بالكلام خخخ
المهم النظام كالتالي
لمدة اربع ايام
الفطور : كوبين ماي وهذا يساعد في سد الشهيه و نصف تفاحه و كوب نسكافيه بدون سكر
الغدا : كوبين ماي و سلطه فواكه شامله كل الفواكه عادي او سلطة خضار او قطع فواكه
اللي حابينه واللي بتحس عمرها وايد يوعانه تقدر تاكل سلطة دياي او سلطه تونه وتقدر تضيف لها اي شي بيض جبن دايت عادي عشان الرجيم يكون فيه عناصر غذائيه زينه
العشا : كوب عصير اناناس وكيوي انا دايما اطلب من الكفتريا بس تقدرون تاخذون عصير اناناس كي دي دي وتخلطونه بالخلاط مع حبة كيوي وثلج ولو حابين عصرة ليمون واستمتعو بالطعم الرائع 
يجب مراعاة الاتي
وجبه العشا تكون قبل الساعه 7 ولازم ماتاكلون اي شي بعدين وفي حاله الجو الشديد اكل حبة فاكهه
شرب لتر ونص اقل شي من الماء
رياضه خفيفه لو عشرين دقيقه وشوفو النتيجه وعن تجربه
نزلني 3 ونص كيلو في ثلاث ايااااام
وانا هالمره مفكره امشي كل يوم واشرب ماي زياده و اوقف ع جهاز كريزي فت 10 دقايق كل يوم
ويوم الجمعه الصبح بيكون الوزن واللي حابه تبدا وياي حياها واللي مب حابه دعوه منها تكفيني
ان شاالله كل يوم بحط يومياتي … حياكم
من باجر ببدا
بعطيكم طريقة سلطة التونه اللي انا اسويها وايد لذيذه
تقطعون بصل ابيض شوي وطماط وخيار وشوية نعناع واللي يحب الحار يحط
قطع فلفل صغيره وتعصرون فوقه ليمووون وملح وتحطون زيت زيتون شوي وتاكلونها
وااااايد لذيذه انا قبل كنت اييب حبة صمون اسمر واحط داخلها التونه واايد لذيذ
وحياكم