لهالدرجه وصلت اتكلمين شباب و عرفنا تشهرين ليش !!!

عيدكــــــــــم مبارك و عساكم من عوادة العيد

البارحه كنت رايحه الصالون تقريبا بعد صلاه التراويح اسوي منكير و بديكير
طبعا دخلت قالولي في كم حرمه جدامج قلت عادي بتريا و سرت اتريا..
هناك هنتين يشتغلون فيهم و هنتين يالسات لابسات نفس العبي و الميك اب فل والعدسات
المهم بعد شوي سارت وحده منهم ايسون لها ظفرها..

لين احين ما شئ مشكله ..صح

اتخيلوا انا يالسه و اسمعها اتقول حق اربيعتها اتعرفين بدوري زعلان اونه يقول ليش ما طلعتوا ويانا
انا في البدايه شكيت قلت عن احط في ذمتي ..

بس بصراحه اول ما شفتهن من اشكالهم يبين انه هالبنات " داون " في حياتي ما شفت حد قليل ادب مثلهن..

المهم و عقب اشوي اتقوللها الثانيه اويه وحليله ..
و عقب شوي يرن فونها .. و طبعا هذا كله بصوت عالي
البنت : هلا بدوري ..انته زعلان و تضحك ضحكه استغفر الله منها انتوا افهموا كيف كانت الضحكه
انا بروحي انصدمت..
و طبعا بعد عنها..

رد رن تيلفون البنت الثانيه اربيعتها..
البنت : ها حمود.. هههههههه ..توه بدور متصل و زعلان يقول جي ما طلعتوا ويانا
و بند الولد..

طبعا البنت اللي اترمس محمد قالت حق اربيعتها محمدو يقول ازجري بدور خل نطلع ويا بعض اليوم
جان اتقول الله يلعنه الله يلعنه خنزير شويه عليه و الله انا ما فهمت ليش سبته..

و عقب شوي دقوا سوالف ويا بعض كلها عن بدوري و محمد جان اتقول البنت اللي اترمس بدر حق الفلبينيه اللي تشتغل ..

الفلبينيه كانت عاطيه البنت ظهرها لانها تشتغل في ريل الحرمه جان اتقول البنت حق الفلبينيه
" يور باك از كل مي " انا بققت عيني وين تبا و الفلبينيه اضحكت..

المهم طبعا هاي البنت يايه اتركب ظفرها اللي مكسور خلصت جان يتصل بدر
قاللها انتي بعد هاللي فهمته من ردها
استغفر الله لازم يوم اتكلمه اتغير صوتها ..اونه حبيبي و الله خلصت شو اسوي يعني لانه كان جدامنا ناس اظني هو ما صدقها جان اتقول حق الفلبينيه اللي جدامها كلميه بس ما طاعت الفلبينيه و قبل ما اتبند اعطته بوسه و جدامنا و بصوت وقح استحي ع ويهج انتي بعد مب يالسه بروحج الوحده يوم اترمس واحد تندس عسب محد يعرف و هم عادي كووووووووول عندهم جان اتقول حق اربيعتها وين انسيرلهم ع البحيره و لا ستار بوكس قالت اربيعتها ستار بوكس احسن..

و طبعا خلصوا و يايين بيروحون و يايه بتنزل جان اتقول حق الفلبينيه
" اي ليك يو " قسم بالله بيطيح نصها و هي اتقول هالكلمه انا اللي كنت بصفعها
و عقب جان تعطيها بوسه اتقولين حق ريلها مب وحده من هاللي يشتغلن في الصالون..

استغفر الله العظيم شو هالاشكال..
وين يبون انزين انتي احين اترمسين واحد لازم كل حد يعرف و لازم هالحركات الماصخه و قلت الادب
و ثيابها المرصصات في صوب و صوتها في صوب استغفر الله ليش جي ترمس ما اعرف انزين مب جدامنا هالاصوات والحركات.. صح اني شفت من هالاشكال لكن بهالوقاحه و قلت الادب ما شفت

اللهم عافنا من هالاشكال يارب
الله يهدي الجميع

منو مر في مثل هالموقف ..
و هالناس اهلهم وين معقوله في ظروف تحتم عليهم انه يسوون جي
و اهلهم عادي عندهم..مب معقوله بتطلع من البيت و اهلها ما يشوفونها لا اتقولون يمكن الميك اب اتحط برع البيت انزين اللبس و العباه و الشعر و لفة الشيله معقوله كل ها بعد برع البيت..