شحالكم بنات 
ادري بتقولون هاي كل يومين محطيه مشكله
بس صج صج صج قهر !!
,,
واظن مب بس انا اللي بشتكي من هاي الظاهرة حتى بناتكم الكبار
سئلوهم 
,,,
بنات انا مشكلتي هي المدرسات ( الابلوات ) بس مب كلهم !
يعني صراحة الواحد كره الدراسة والمدرسة
قلنا بويات وسوالف اعجاب وخرابيط قوانين مثل السم
وعنصرية ! واستحملنا كله عسبت الشهادة ونرفع روس اهلنا
بس لهاي الدرجة وصلت ف الابلوات والادارة !!
يعني تخيلوا امتحانات شفوي وتحريري وتسميع وتقارير وبحوث و تجارب
وابلة تقول لنا عندكم امتحان شفوي وحدتين سكتنا وقلنا برايه
والله يعني كأنه ماعندنا مادة غير هاي المادة نذاكرها !
وعقب يلومونا ليش مانعطي المواد الثانية اهميه !!!!!!
وفوق ها كله ياريت لو شي معاملة حلوا
يعني قبل العيد ف رمضان كان الجو بعده حر بالنسبة لهاي الايام
ونحن صيااام والمكيفات تطلع هوا حاار حتى مرات نترجاهم يودونا الكانتين عسبت المكيفات هناك ابرد !
ويوم رحنا الادارة قالوا : والله الحين الجو بارد سكروا المكيفات وافتحوا الدرايش ولا شغلوا المراوح
نحن مب مستعدين نغير المكيفات عشانكم !!!!!!!!!!!!!! @_@
لا والله عيل هاي المكيفات حق شو حق الطاولات ولا الكراسي !!
ووالله ان صوب الادارة الحين مسوين صيانة ومسكرينه و 24 ساعة مكيفات مركزيه مشتغله
حتى ثواني مايبندونها ,, دام الجو بارد ليش هم مايبندونهآ !!
ويوم يسمعونا نرمس اتي وحدة من البنات تقولي فلانه
كيف جي تقولين والمديرة خالتج لازم تكونين مع الادارة !
يعني انا مابكون ف الباطل مع الادارة وانا اعترف انهم مقصرين !!
يعني صج قهر ,, وشفنا عقب الاخصائيه عند صفنا وقلنا لها
جان تقول لنا نار جهنم احر ( اوك ها تنبيه حلو ) قلنا لها لا ابلة ان شا الله كلنا الجنه
تخيلوا قالت انتوا اصلا جي ولا جي بدشون نار جهنم ماظن بدشون الجنه !!!!!!!!!!!!!
وعقب يبنا طاري السالفه ف حصة يوم قلنا حق الابلة قالت عادي دقوا راسكم ف اليدار !!
حتى لو كانت سوالف بس مب لهاي الدرجة !!!!!!
شو ها نحن ياين ندرس ونتعلم وتعلمونا ولا ياين تعقون علينا رمسة
نحن الحمدالله متربين ف بيوت اهلنا بس مب انتوا اتون تخربونا !!
والوزارة اول شي حطوا فيها ( وزارة التربية والتعليم ) !!
يعني كل يوم ابلة طالعه لنا ب شي !
شي يوم محد كان غايب والابلة تتبلى علينا ان نص الصف شارد !!
قلنا لها سيري شوفي سجل الغياب
وتمت تحلف وتحلف !!!!!!! ونحن رحنا وشفنا السجل ورويناها وبعدها تحلف
والمشكلة انها ابلة الدين ! وتقول لنا انتوا متخلفات ( ياحلوج انتي !!!!!!!! )
واذا ابلة شافت بنت تاكل قالت لها عنزه !!!!!!
شو ها والله العظيم البنات ماينلامن لو اختربوا !!
وفوق ها كله ايون ويقولون انتوا قليلات ادب !
وين التعليم وين التربية !
اول شحلات المدرسة لو نروحها الابلوات عسل والله
والحين الاغلبيه كأنهم عدايل !!
ومدرستنا مدرسة معروفه ف الدولة ومحصلة جوايز الشيخ حمدان وغيره
بس ليش جي !!
والله الواحد كم بيرمس حتى يوم بنشتكي بيقولون اخر سنة
اوك اخر سنه بس مب جي يلعنون خيرنا !!
قلنا كل يوم امتحان والله العظيم ان عادي شهر كامل كل يوم امتحان حتى يوم واحد راحة ماشي
سكتنا وقلنا براية نحن مابندرس بالساهل ونحصل الشهادة بسهوله ولازم نذاكر عدل ونتعب عشان
نحصل اللي نباه
بس فوق ها كله ع الاقل طيبوا خاطرنا ب كلمة حلوا !
بتقوولون والله الابلة مخليه عيالها ولا هادتنهم ولا متعبة عمرها
اوك مقدرين ها الشي بس هم خل يقدرون يحطون حرتهم فينا ليش !
يمكن ابلة بتقول قليلات ادب بالغلط لانها معصبه
اوك بنطوفها بس مب كل حصه عاد ! زودوها
والله ان الحين محطين ف الجوجل ايرث عن مدرستنا وعن سوالفها
محد يقدر يسكت من القهر !
انتوا شو رايكم كلامي صح ولا غلط معاي حق ولا !
ان كان بالفعل هذا هو الحاصل ( لا استبعد)
فـ رحم الله العلم والتعليم
وكان الله بعون طلابنا وابناؤنا…
اتعجب من سلوكيات بعض المعلمات اللواتي من المفترض ان يكونن قدوة
واكثر تعجبا من ادارة لاتعرف كيف يكون التعامل الصحيح سواء مع الطالبات او المعلمات…
لاعليكِ ياغاليه… شهادتكِ هي من سـ ترفعكِ
وكان الله بعون الجميع هنـا…
الطلاب
و
اولياء الامور…
اختي الصغيره فالثانويه وهي بعد تشتكي من اسلوب المدرسات ويا البنات
اتخيلي اتقولي ان ابلة من الابلوات صفعت بنت على ويها بس لانها لابسه اكسسوارات
يعني هاي مب طريقة تأديبيه الصراحه
والمصيبه ان البنت ردت الصفعه للأبله ودزتها
يعني هذا معناه ان لو اسلوب الأبله كان محترم وعاقل ما كانت البنت بتسوي هذا الشي
حتى اتخيلو اتقولي لما زقروا ابو البنت دخل المدرسه وهو يضحك يقول كفو بنت خذت حقها
بس الغلط من البدايه على الأبله
الصراحه الله يعينكم واااااااايد تشتكي من الدراسه ويالسه اختي اتقول انا بدرس هاي السنه وما بكمل باقي الثانويه
لان الدراسه واااايد صعبه وماشي مراعاه من صوب المدرسات
الله يعينكم
والله اني منقهرة يعني اول شي التربية عقب التعليم
مش السب والاهانات عقب التعليم بالزور !!