امس يلست اصورلكم طريقه عمل ام الربيان بالـ cherra ..
طبخه سهله وااايد وااايد …
واللي يحبون المأكولات البحرية ..
أكيد بيحبون هالوجبة.. ^_^
والتشيرا هذا يشبه السبانخ تقريبا بس حجمه اكبر .. هنيه انا غاسلتنه ومقطعتنه
معروف عند الهنود سيروا سوق الخضره بتحصلونه هناك
أو ممكن تستخدمون السبانخ ..
بس عني أنا الصراحه ماجربت هالطبخه بالسبانخ ..
المكونات …
3 حبات لوبستر … (نسيت اصورها لكم ^_* )
كمية كبيره من التشيرا ..
ثوم حسب الرغبة ..وكل ماكثرتي كان احسن ^_^ ..
7 قطع صغيرة الحجم زبده ..
ليمونه كبيرة ..
رشة ملح ..
رشة فلفل اسود ..
رشة فلفل حار (اختياري …
اصلا الوجبه الاصليه ماينحط فيها فلفل حار بس انا وريلي نحبها شوي سبايسي .. ^_^ يعني انتي ممكن تبدعين من عندج …
في البداية ……
يتفوّر اللوبستر لين يتغير لونه للأحمر ..
وبعد مايحمر طلعيه من الجدر وانزعي الغلاف الخارجي للوبستر ..
—وهذي طريقة نزع الغلاف ..
اول شي تسوين شق في ظهر اللوبستر .. يعني بس الغلاف من فوق مب تقصينها كامل مع اللحم اللي داخل .. لا ..
—
وعقب تفتحين الغلاف بإيديج
—
واطلعين اللحم كله ..
وقطعيها لحجم متوسط .. مب صغيره وايد ولا كبيره وايد ..
سهل صح … ^_^
وبعد ماخلصنا من عملية نزع الغلاف (هههه حشأ دكتوره هب هيامي خخخخ)
نجهز الطابي ونحط شوي زيت زيتون ..
أنا احب استخدم زيت زيتون في كل شي اسويه … ماحب اي زيت ثاني .. وانتي براحتج ^_^ …
وبعد مايصخن الزيت نحط فيه الثوم . لين يتغير لونه ..
وعقب نضيف اللوبستر … ونحوثه شوي لمدة 3 او 4 دقايق … وتنحط البهرات في هالمرحلة ..
وعقب نبدأ نضيف التشيرا ..
لو كان الطابي اعمق يكون احسن … (اللي استخدمته شوي وهقني ^_^ خخخ ماكان عميق وايد …. بس عاااادي .. مشيت حالي )
ونغطي الطابي … عشان يذبل التشيرا ..
<<<< يتبـــــــــــــــع
وعقب نضيف الزبده كلها …
ونغطيه شوي عشان تذوب الزبده وتتشربها الطبخه …
وبعدين نضيف عصير الليمون … وأنا أحبها حاااااامضة ^_^ .. وهذي آخر مرحله …..
…
نغطي الطابي ونخليه 5 دقايق تقريباً …..
وانتهيناااااااااااااااااااااااااا …
وهذا شكلها النهائي …… تقدم مع العيش الأبيض ..
وأنا قدمتها مع الكوكونت لأنه ريلي يحب الكوكونت .. وشوفي انتي ريلج شو يحب وسويله …
وهنيه … قضيت على الوجبة بكل للللللللللللللللللللللللذه … يم يم ….
هااه …
شرايكن … ؟؟ ^_^
جربوها ومابتندمون …
وممكن تفاجأين ريلج في ليله رومانسية حلوة ..
^_*
اتمنى تعجبكم الطبخه …
ولكم مني أحلى تحية …
أختكم
*هيومه*
رووووووووووووعه اموووووووووووت عليه ….
شكله واكيد طعمه عجييييييييييييييب
المشاركة الأصلية كتبت بواسطة لميـــاء999 
رووووووووووووعه اموووووووووووت عليه ….
مشكوووووووووووووورة
سعيده بمرورج اختي لمياء ^_^
المشاركة الأصلية كتبت بواسطة ام رشوودي شكله واكيد طعمه عجييييييييييييييب
اووووه … كلمة عجيب شويه عليها والله …
ومشكوووورة على مرورج الحلو ام رشودي ^_^
روووووووووعه
وانا اموووت في شئ اسمه لوبستر