لو سمحتوا ساعدوني بطريقة البلاليط

السلام عليكم والرحمة
لو سمحتوا بغيت منكم خدمة .. أبغي طريقة البلاليط البيضا و السمره .. مادري اذا فهمتوني .. يعني بعض الناس يسوون البلاليط لونها ابيض.. وبعضهم يسوونها لونها عالبني أو أسمر.. أنا أبغي الطرييقتين..واللي تعرف أبي الطريقة بالتفصيل الممل لأن الحبيبة مبتدئة بالطبخ:22 (4):
ولا تطنشوني بلييييييييييييييييز:22 (22):

ديمه

فااااااااااالج طيب والله
خذي شعيرية الارز البيضا اللي تيج خيوط رفيعة ملتفة على طول الكيس (موجودة في كل مكان حتى الجمعية )
طلعيها من الكيس وكسريها الى خيوط صغيرة بطول 3 سم تقريبا
وودنيها يعني انقعيها في ماي عادي لمدة 3 ساعات
بعدين حطي جدر على النار وحطي فيه دهن خنين شوي واكسري 3 بيضات وذري شوية ملح عليهن وخربطيهن لين يستون وصفي البلاليط وحطيه على البيض ورشي شوية هال مطحون و2 فنجان سكر وزعفران مودن في ماي ….
اخلطي المقادير مع بعض وخليه على النار شوي لين يتبخر ماي الشكر وبالعافية عليج:1 (26):

اما عن الاسمر حمصي البلاليط شوي قبل لا تنقعينه في الماي ….:1 (26):

وان شاالله اني بسوي البلاليط وبصوره الكم وبحطة

الميانة
تسلمين حبيبتي ومشكورة وايد عالطريقة وان شالله بطبقها .. بس بغيت أسألج شو يعني دهن خنين؟؟
وشو تقصدين أني احمص البلاليط؟؟؟
السموحة بس بعدني مبتدئة
وألف شكر عالمساعدة الغالية

الغاليه أنا عندي طريقة عادية وسهلة وايد
كيس الشعيريه العاديه اللي تيج حبات رفيعه وصغيهر فوري في الماي واشخليه وردي في الجدر وعلى طول زيدي عليه شكر وهيل مطحون وزعفران وبعدين يييبي تاوه مال البيض حطي فيه الزيت وكم من بيضة وفتتي البيض لين ما يتحمر البيض ويستوي عدل وعقب زيديه فوق البلاليط واخلطيه وبالعافيه

تسلمين حبيبتي البنفسج
بس ممكن تعطيني مقادير السكر والهيل؟؟
ومشكورة وايد عالمساعدة
وتعرفين كيف طريقة البلاليط الاسمر؟؟
والسموحة

ديمه
الغاليه الأسمر ما اعرفه بس اعتقد اتحمسينه على التاوا ويا شوية زيت يعني اتقلينه بس طشونه زيت

وعن مقدار الشكر على حسب كمية الشعيريه والمذاق نحن ما نحط وايد والهيل ملعقة من الصغار

مشكووووووووورة الغالية
وجزاج الله خير
وان شالله بنجرب البيضا اليوم وعلى الله تضبط