لو سمحتو ساعدو صديقتي .بخصوص فيزا المانيا او شينغن

السلام عليكم و رحمة الله

خواتي اربيعتي تبغي مكتب يخلص لها فيزا حق المانيا….سألتني بس انا ما اعرف…..
يا ريت اللي تعرف تخبرني عنه…..

و هل الاجرات متعبه مثل ما سمعنا…..هي تقول ان سمعت اللي يسيرون مركز الفيزا الموحد في دبي….يتمرمطون و يتريون بالساعات و يعاملونهم معامله زفته …..هل صحيح هالكلام….؟؟؟

يا الله يا بنات و لا رد….و أنا واعده اربيعتي ان ارد عليها اليوم…..قلت لها اكيد بنات المنتدى عندهن العلوم…..دخيلكن لا تفشلني في الحرمه

بس المفروض مب هي تسير .. ريال احسن .. نحنا نتعامل ويا مكتب .. الفيزا الوحده يسويها اب 700 درهم … فكة عباله

تسلمين اختي على ردج….

خواتي اللي تعرف المكتب يا ريت تكتب اسمه…..و كم ياخذ ….و لا عليكم امر

و اللي سارت و سوت بروحها….يا ريت تخبرنا كيف الوضوع هناك في مركز الفيزا الموحد

للرفع

سيري اي مكتب سفريات وبيخلصولج اياه في يومين او 3 ايام

الموضوع وااايد اسهل من الي تقولونه اولا تاخذين الاوراق المطلوبه الي هي 1 -جواز السفر 2-صورتين شخصيات 3- التائمين الصحي 4- وصور عن تذاكر السفر .
ثانيا تاخذين الا وراق للسفاره النمساويه او الامانيه اوالفرنسيه ومايخذ اكثر من يومين او ثلاثه