https://forum.uaewomen.net/showthread.php?t=874781
هلا بنات المنتدى….انا فرحانه انى حصلت اقبال على موضوعي وتجاوب واشكر كل من رد علي
وفيه وحده من ردود البنات انه كتبي لنا نبذه عنج انا اشكرج انج مهتمه فيني ..
واذا تكلمت عن نفسي ما اقول غير انى وحده تحبكم وانى تعلمت منكم واستفدت منكم وانتوا من شجعنى على الكتابه وافتخر انه كونت صداقات من هالمنتدى …..
نبدأ….
ودي افهم شي واحد ليش يحلالج تاخذين بالى بيد غيرج…ليش تخطفين ريل الحرمه ليش؟ تخيلوا وحده سارت ويا اختها بيت ربيعت اختها وهي اول مره تشوفها دشت البيت عالحرمه وعينها على البيت والراحه الى عايشته هالحرمه تخيلوا 3 شهوووور الا وهي ماخذه ريل هالحرمه ربيعت اختها لييييش؟ وابعد ما تزوجت وردت من شهر العسل اكتشفت انه الريال عنده ديون تخيلوا طلبت الطلاق وردت بيت اهلها ….عيبج انج خربتى بيت الحرمه بس عسب الفلووووووووس ماخفتى من الله ما خفتى يوم خربتى بيت الحرمه؟؟؟
استغرب استغرب استغرب من البنات الى ما يتعظون من قصص الغير تخيلوا يا بنات انه وحده تعرفت على واحد ومثل عليها الحب والغرام والاخت مصدقه وتمت تصرف عليه ولدرجة شرت له سياره ووصل انها خذت له ارض قيمتها فوق 3 مليوووووون تخيلوا شو سوى ؟؟؟ رماها وغير رقمه؟؟؟
تصدقون انه الشباب يعترفون انه البنات مغفلات وهم الى يوهمون الشباب انهم بنات عز وهي راضيه خلها تدفع لدرجه انه يقولون انه فيه شباب عيال عز وخير بس يحبون البنات يصرفون عليهم يقولون دام البنت راضيها خلها تدفع….
ما انسى قصة واحد قص على وحده وقالها مرت خالى ربت الاخت سارت باتشي وشرت له 3 صوانى شوكولاه الى سعر الوحده تتجاوز 5 الف درهم الاخ راح شلهم وتعرفوا شو سوى فيهم؟؟؟؟؟؟؟ باعهم
ليش يا بنات ؟؟؟ليش تخلون الشباب يستغلونكم ليش؟؟؟؟؟؟ باسم الحب تراهم كذابين ما يحبون هم يتسلون…..تخيلوا في مجالسهم يتفاخرون شفت الساعه او السياره او الموبايل من فلانه ويضحكون
ولا تسوين روحج نصيحه ومحد يقدر عليج لا صدقيني لا تحطين راسج براس ريال لانه هم ما همهم شي
تذكرت قصة هالبنيه الى تعرفت على واحد وحلف الا ياخذ غرضه منها المهم البنيه تبي تسوي عمرها ذكيه قالت ما بطلع وياك الا لما تخطبني طبعا هو معطيها معلومات غلط عنه المهم سار ياب بنتين من الى يعرفهم وواحد كبير بالسن وساروا بيت البنت وخلصوا التمثيليه والمهم ثاني يوم دق عليها وقال انا وفيت بوعدي دورج الحين قالت تم وسارت معها وبعدها غير رقمه واختفى …ترى قصه حقيقيه مو قصه خياليه …….
دوم مقولة الشباب البنت في هالزمن صارت اسهل من شرب الماي…..يا اختى يا غاليه حافظي على عمرج حافظي لا تنزلين راس ابوج القاع وهلج ترى شو فايدة متعه ساعه وبعدها تروحين وطي…
يا امى يا حبيبتى حافظتى على بناتج خصوصا وهم صغار ترى وايد بنات وهم صغار تعرضوا للتحرش من اقرب الناس لهم لا تقولين هذا خالها هذا عمها ترى والله من كثر ما نسمع قصص التحرش ومن اقرب الناس صرنا نشك حتى في الاخ…..
يا ام انتبهي على بنتج ترى فيه بنات خصوصا الى اعمارهم من 14 الى 17 غشيمات ويبون يجربون كل شي يا بنات لو تسمعون القصص بتجنون وتشيب راسكم بنات يطلعون مع الشباب ويحملون على اساس ما يصير حمل وانا بعدنى بنت وعذرا…..كل وحده عندها اخت صغير تنتبه عليها كل ام عندها بنت صغير مراهقه تدير بالها والله نحن في زمن يخوووف والله…قام الكل يبي يقلد ترى حتى البنات يطنزون على البنت الى ما عندها واحد تحبه او عندها علاقه!!!!!
كافي يا بنت تسوين مشاكل بين الشباب يا ما شباب راحوا ضحايا البنات وفتنهم واكيد الكل سمع قصص عن واحد قتل ربيعه بسبت بنت او شباب ضربوا واحد بسبب بنت…….
للحديث بقيه…..ان حبيتوا…….
لا حول ولا قوه الا بالله
يفهمون هالسوالف ,, نحن يوم كنا هالعمر ما نعرف غير العاب وحلويات
اما هالجيل , يعرفون اللي مايعرفونه الا الكبار @@
وشي طبيعي تخترب البنت وتمشي فالطريج الغلط !!
……………..متابعة مواضيعج
………………….الف شكر لج
