بقولكم قصتي مع حب الشباب … الرأكيوتان .. والليزر …
انا عانيت وايد من حب الشباب .. تقريبا من 10 سنين … وجربت كل شئ .. وجميع انواع الكريمات ,,, والحبوب …
ألين جربت قبل 4 سنين دواء الرأكيوتان لمدة 9 شهور … ووقفت .. وبعدها ماجربت اي شئ كيميائي ,,,
ولكنننننننننن …. بعد كم سنة بدت الحبوب تظهر في ويهي بس بشكل أقل عن المرة الأولى ,,, وكان ويهي وايد يدهن ….. فرحت تعالجت مرة ثانية بحبوب الرأكيوتان .. وهالمرة خذته تقريبا 7 شهور .. لأنه الجسم رفض الدواء بعد 7 شهور من العلاج .. ويالي اندفاع دوائي على شكل بقع بنية منتشرة على وجهي .. كأني مصابة بالجدري …. وقفت الدواء .. وغيرت الدكتورة الي اتعالج عندها …
وانتظرت تقريبا 3 شهور حتى يتخلص جسمي من الدواء .. لأنه ما يستوي اباشر بالتقشير أو الليزر خلال فترة العلاج أو بعد العلاج مباشرة ….
وبديت بالليزر فراسكل …. بعد بحوث في الإنترنت مالها أول ولا تالي
وبعدها استخرت وقررت اسوي الليزر بتاريخ 1/3/2017
يعني اليوم هو اليوم الثالث بعد عملية الليزر ….
بخبركم عن شو صار خلال الجلسة وبعد الجلسة وسعر الجلسة ….
تابعوني و ادعولي بالشفاء 
الجلسة الوحدة ب 2500 درهم …. ويمكن تحتاجين إلى جلستين أو ثلاث أو اربع ….حسب بشرة كل وحدة …
اليوم الأول لعملية الليزر : ماخليت دعاء إلا دعيته وانا في غرفة الليزر .. كنت وايد خايفة ..
المهم … حطولي بنج موضعي على كل ويهي لمدة ساعة تقريبا أو 45 دقيقة .. وبعدها مسحوا البنج … وبدوا بالعملية …و اعتقد أن الجهاز المستخدم أحدث جهاز لليزر لأنه بدون مادة زرقاء ….
خلال العلاج … كان ويهي يحرقني وايد بس كانوا يمررون هواء بارد جدا جدا على ويهي لتخفيف الحرارة …. و جنه حد يغرز أبر ساخنة وصغيرة على ويهي .. يعني ألم وحرارة شديدة بس تحملته والحمدلله ….
وبعد العملية شفت ويهي .. كان وارم .. جني نافخه خدودي .. واحمرار شديد …
وطلعت … بعد نصف ساعة خف الألم والأحمرار …. بس الإنتفاخ موجود …
وقدرت اروح مركز في طريجي .. بس كنت متغشية … لأن الويه ما ينشاف
رجعت البيت وحطيت الكريمات الي وصفت لي إياها الدكتورة … من ضمنها ميبو للحروق والجروح … مرتين في اليوم … وريحته مب حلوة … اعتقد هو زيت سمسم … بس يطفي الحرارة الي على الويه …. ورقدت لين اليوم الثاني
شفاج الله وعافاج
شكلي كان افظع من اليوم الأول … ويتني كآبة مو طبيعية … لني ماقدر آخذ إجازة ولازم أدوام
بدا الويه يحمر أكثر وأكثر … وانتفخ اكثر …. وظهرت لي حبوب صغير جدا في المسامات … يعني إلتهاب بكتيري خفيف …. اتصلت حق الدكتورة قالت لي ماعليه بيروح بعد كم يوم …. بس اصبري شوي .. وإذا ماراح بوصف لج مضاد حيوي …
وداومت 4 ساعات تقريبا وطلعت ورجعت البيت ماقدرت
.. و حطيت كريماتي … والأحمرار بدا يزيد .. لدرجة اني ماطلعت من غرفتي …. اخاف امي تشوف ويهي وتقول شو مسويه في ويهج وليش الخ …. تعرفون الأمهات يحاتون نعنس
وصار لي أكتئاب شديد لأنه ويهي مو طبيعي …….
بس متفائلة خير ..
تابعوني في اليوم الثالث و ادعولي بالشفاء ..
قمت الصبح … وخف الأنتفاخ قليلا .. والأحمرار خف … والحبوب خفت … الحمدلله …
حاولت اغطي الأحمرار بكريم اساس طبي … لعلى وعسى ويهي ينشاف
وداومت …. شسوي مجبورة .. مايعطوني اجازة … 
ويهي عليه قشور … يعني احس يوم المسه جنه عليه رمل … و كريم الأساس ما يضبط وياه ….
المهم ماعرف شو بيصير بعدين في نهاية اليوم … الله كريم …. واتمنى الأحمرار يروح والحبوب تروح ….
تابعوني …. اخبركم شو يصير أول بأول …. وللناس المهتمة بهذا الجهاز ياريت تتابعوني و أي سؤال أنا اجاهزة ….
وإذا تبون معلومات عن الجهاز هذا موقعهم الرسمي
https://www.lougheedlaser.com/pages/fraxel.html
ودكتورتي خبيرة في الليزر .. في اليوم الواحد تسوي خمس أو ست أو عشر جلسات …. وقالت لي أن الليزر بيشيل البقع والحفر و يخفف من المسامات الكبيرة ….
بنشوف النتايج
عادي فديتج أنا سويت أريبع جلسات
والحمدلله ويهي وايد تحسن عن قبل
صار مشدود وخفت الدهون والبقع والمسام
وأتريا تجربتج خلال الجلسات اليايه
مشكورة يالغالية على الرد …
تسلمين حياتي …