شكلي اذيتكم ويا مشاكلي هههه بس شو اسوي أنا اربعه وعشرين ساعه بروحي وماعندي حد
المهم البنت اللي زخيتها ترمس ريلي مثل ماخبرتكم تدري انه معرس وبييه يأهل جريب ان شاالله
هاي البنت قوية ويه اتخيلوا يوم رمستها قبل طبعن زخيته اكثر من مره ونفس البنت
يعني هي لييش متعلقه فيه وايد
ريلي مب حلو ووسيم وااااااااايد عشان تتعلق فيه
ووالله يابنات يوم كانت ترمسني جني أنا اللي مأخذه ريلها منها ترمس بكل وقاحه وقلة أدب وأظن كل اللي يرمسن معرسين الهن نفس الاسلوب
يعني مأخذه ريال من حرمته وبعد آتم تنازع
والله والله أبا انتقم منها حتي لو افضحها ماتدرون كيف مقهوره منها
والله ادعي عليها ليل ونهار الله ينتقم منها
أبا اعرف شو تبغي من ريال معرس
وليش متمسكه في ريلي خاطري أشوفها واكفخها تكفيخ واكسرها وانتفها ااخ بس لو أشوفها
حسبي الله عليها
والله من القهر حبيت افضفض النفسيه زززززفت مجروحه ومكسوره كله من بنات الحرام
أااه اصعب شي بالدنيا الخيانه ><
اناا مااااأدافع عنهاا لكن اذا هو مب عاطنهاا الضوء الاخضر ماابتتمادى مرة وثنتين وعشر !!
هي متمسكه فيه لانه متزوج ..وهذاا يعني انه فيه أمل يااخذهاا عكس الشااب العاازب ^^
الله يهدي ريلج المفروض يكون أعقل لانه رياال ومتزوج ومحصن عن الزلااات
عزيزتي فيه فجوة في علاااقتج مع ريلج الاحسن انج تكتشفينهاا وتعاالجينهاااا عسب ماا تقدر عليه
وحده مثلهااا وتخرب عليج بيتج وحيااتج
الله يهدي سرج ويهدسي ريلج ويهديناا جميعااا ياارب
استهدي بالله .. لا تنقهرين ولا ترفعين ضغطج
و عشان منو !! .. عشان وحدة ما تسوى
منو هي اصلا عشان انتي تتنرفزين بسببها .. مجرد وحدة رخيصة تتصرف مثل الطفيليات .. تعيش على كيان غيرها 
لا تنتفينها ولا تذبحينها ولا شي ..
انتي من كلامج حامل و على ويه ولادة .. اهتمي بنفسج و صحتج .. اهم من ريلج و نزواته ..
اما هو و اياها .. فـ صدقيني ماشي بيحل مشكلتج غير (( حسبي الله ونعم الوكيل )) .. ردديها طول الوقت وبتشوفين عقاب ربج
ولو تصلين قيام و تقولينها وانتي ساجدة فالقيام .. بعد بتشوفين مفعولها
الله يوفقج حبيبتي و انتبهي على نفسج
عليج بالاستغفار ورردي حسبي الله ونعم الوكيل دوم
ان شاء الله تتيسر امورج وتحصلين ال تبينه وتحملي على عمرج فديتج