دايما اي في بالي اكتب هالسالفه بس عقب اغير راي .. اليوم قلت بكتبها …
تعرفت على وحده من ايام الجامعه … وسبحان الله .. طلعت في حياتي فجاءة وااايد تعلقت فيهاا واحس بالراحه يوم ارمسها … وما اشبع منها وهي نفس الشي … بس صارت لي ظروف وقلت مكالماتي لها .. واستويت ابعد عنها .. بسبت الظروف مب عشان شي وكنت اقولها ظروف وبتعدي بس اصبري علي … وهي صبرت … بس فجاءة تغيرت وما قامت تتصل ولا تطرش مسجات , صار هالشي من عقب مجلتها ,,,, يعني معقوله اتكون تغيرت من عقب ما حصلت حد ثاني تفتح له قلبها ؟؟!!
بس طرشتلي مسج تقولي انه عرسها اليوم وتعزمني عليه … تخيلوااا !!! في نفس اليوم وهي منطقتها بعيده في دبا الحصن … وطبعا يبالي اتجهز ويبالي ادبر سياره اتوديني … زعلت عليها وااايد . بس بعد اتصلت فيها عشان ابارك لها .. ردت علي بنت عمها قالت هي مشغوله الحين ما تقدر ترمس .. قلت لها باركيلها وسالتني بي العرس قلت لها لااا وهي اتعرف السبب …
بس من يومها ما اعرف عنها شي موووووووووول … وانا عرست ويبت عيال … عقب حصلت وحده كانت ويانا تعرف وحده من دبا … خليتها تسالها اذا اتعرفها قالت هي اتعرفها .. وطرشت لها سلامي وقلت لهم يستاذنونها اذا اخذ رقمها عشان اتواصل وياهاا …
تخيلوا شو ردت عليهم :
انا ما اعطي رقمي لاي حد !!!!!!!!!!!!!!!!!!!!!!!!!!!!!!!!!!!!
واااااااااااااااااااااااايد انصدمت من رمستها … وكتبت لها مسج قلت لهم وصلولها هالرمسه اني ما ابغي منها شي الا سلامتها وكنت ابا اطمن عليها بس
بس ما اعرف ليش مب قادره انساهاااا …… رغم عندي صديقاات وااااايد … بس مب محصله حد شراتها ارتاح معاها وافتح قلبي مثل ما كنت وياهاااا ..وددوووووووووووم اذكرها واتمنى هي تتصل فيني من نفسها
هالسالفه من 9 سنين ………. واايد صح
بس بعدها في بالي
ان شاءالله تكون موجوده اهني وتقرا السالفه وتعرفني …
بس ليش الناااس تتغير من دووون سبب ؟؟!!!!!!!!!!!!!!!!! وتستوي قلوبهم قاسيه بهالطريقه ؟؟!!!!!!!!!!!!!!
وانا من دبا لو تبين تعرفين عنها شي خبريني اسمها >>> يالفضوليه خخخخخخخخ
^حلـى قلبـي^
مشكووره يا قلبي … صح كلامج الصداقه عمله ناادره وما تحصلين حد عدل هالايااام هههههههه ..
ما بقولج باسمها لاني اباها هي بروحه ترد ما ابغي ادور عليها خلاااص … ورقمي مثل ما هو ما تغير اذا تبا تعرف تحرك صبوعها واطرش مسج على الاقل ….
بس مصيرها تدور علي >>> وااااثقه الحبيبه هههههههههههههههههه
دوام الحــــال من المحال
يا إنـــج تحصلين الشخــص يتغير للأفضــل
أو تلقينه يتغيــر للأسـواء !!
وحــده مثلها مــاعليهاااا حـــسوف هي الي خسرتــج
بس ربيعة لوقت معين وعقب خلآآص
الصديق الحقيقي يصبر عليج وقت الظروف ..
الصديق الحقيقي مآ يبدلج في يوم وليلة..
الصديق الحقيقي مآ ينسآآج لو بعدتكم المسآفآت !
والوآحد مآيعرف صديقه الحقيقي من المزيف إلآ إذآ مر بظروووف ..
وانتي الحمدلله كشفتيهآ
خلآص انسيهآ .. هي الخسرآآنة 
والله يوفقج 
بس انتي متأكده من اللي اييبلج الخبر لآن في نآس يحبون القيل والقآل ومعظمه جذب , اتأكدي غلآي وربي يفرج همج ويسره يآآآرب ^_^ واذآ اتحبينهآ وآآآيد وتبينهآ ترد لج ادعي الله غنآتي وهو بيسر لج الآمور مهمآ كآنت … ويمكن حز بخآطرهآ يوم انتي مآشآركتيهآ همج الربآعه القويه دوووم يحبون يكونون ع قلب وآحد )) الظآهر في سوء تفآهم والله المستعآن ,,, والسموحه منج غلآآآي