ليش بعض الحريم سخيفين ؟ خاص اهلك والمقربين !

السلام عليكم بناات .
والله صدق بنات ليش جي بعض الحريم << لاحظو قالت بعض لا تقومون القياامه بلييز
صدق بنات جد والله مستغربه منهم احيين انا من عرست للحين واايد اعااني صرراحه ماعرف ليش جي اهلي والمقربين والربع مادري شفيهم متغيرين علي .
احيين قبل عن اعرس اشووف خواتي يعانون من كلام الحريم عنهم خاصه اهلنا .. يعني بنات عمي بنات خالتيه وربعهم شوفومثلا طبعي انا وحده هااديه ما يخصني بفلان وعلان وماعرف حد والله غير امي وابوي وخواتي بنات عمي ماعرفهم والله الا يوم كنت ياهله العب ويااهم بعديين كبرت شوي دخلت مرحله المراهقه خلاص اهلي ممنوع اطلع ممنوع غيره . ومحد يعرفني ابدن ماحب حد يرمس هني لا بالشر ولا حتى بالخييييير حتى مابي حد يذكرني لاني اعرف لو حد قال شي بيلس يذم بس ..
من عرست الكل قام يسال عني واللي يبا يتقرب واللي يبا يرابعني محد سال عني من سنييين شو يبون الحينه؟ 10 سنين 11 .12 سنه تقريبا ماعرف شي عنهم ؟
انزين اذا حد شافني مكان .. تعالو ثاني يوم محد تم ما درى؟ تعالو لاسلتهم فلانه حملت ؟ ولا لا فلانه وين راحت فلانه شو قالت فلانه متغيره .. قرب العيد يقولون شو رايكم نزور بيت فلانه بالعيد بنشوف كشختها لازم نطلع احلى عنها بنشوف شو لابسه بنشوف حامل ولا لا مب بس اهلي والله ناس ماعرفهم ماعرف شي عنهم اهلي يعرفونهم بس يعني انا تييني الرمسه بس تعالو شوفو ويهي مبققه العين واقول هاه ؟ مليون علامه تعجب واستفهام فوق رااااسي منو
قلت :منو هاي ؟
قالت :بنت فلانه مرات فلان
قلت: منو هاي فلانه وفلان ؟
انا ماعرف حد والله هذيله من وين يو هذيله
شدخلهم فيني ؟
بنات شو الحل يعني
هاي انا كاافيه شري وخيري عن الناس وهم جي لو اجتماعيه واعرفهم شو بيسون ؟
احين اعرف وحده من اهلي قلت لها شي موضوع وحلفت ما بتقول لحد مب انا اللي حلفتها بروحها من نفسهاا سارت قالت لوحده تنشر الخبر زين ليش حالفه ما تقولين لحد بالبدايه ؟
احين والله اكتشفت اشيااء وايد من عرست اللي تحش بفلانه واطلع رمسه جذب .واللي تسحب رمسه وتقولها للي تعرفهم . واللي تسوي روحها زينه ومن ورراج الله اعلم . لو قلت رمسه عااديه الكل سواها سالفه .ليش جي اباا افهم والله ماقمت اوثق بحد موووووووووووووووووووووووول ..
قمت احاسب على كل حرف اقوله < مب كلمه بعد
شو اسوي عشاان محد يطريني لا بالشر ولا بالخير مابي احد يعرفني احس مايخصهم الناس فيني
ابي اعيش ويا ريلي بس اكل واشرب واعبد ربي واييب عيال ان شاء الله بس ..
اعرف الكلام وايد ملخبط بس مقهوره مابي استوي مثل الناس

الله يهديهم ما عليج منهم

ربي يوفقج و يخلي لج ريلج و يرزقكم الذرية الصالحة *

في ناس جي عفانا الله انا مثلج مب اجتماعيه لاني ادري ماوراهم غير القيل والقال

حبوبه انا ما قلت شي يزوروني على عيني ورااسي بس مب ايوون عشاان شي فبالهم عسب يشوفون شو لابسه شو متغير فيني وحامل ولا لا ويسحبون رمسه عفانا الله يعني استغفر الله نيتهم غييييييير شكلج مافهمتي قصدي ^,^
وثانكس حبوبات ع الرد

في ناس جيه …حسوده تبا تعرف كل شي عنج ..
الله يهديهم ويكافيج ويكافينا شرهم ..

الأنسان هو من يعمل حدود مع الغير لا أحد يستطيع فرض نفسة عليكي حتي لو كانوا من أهلك يعني

بوقت الزيارة أكيد بوقت المناسبات لا تفكري كثيرا بما في نفوسهم لا يعلم بالقلوب غير الله وهو من يحاسب

الخلق أنت قومي بواجب الضيافة وبس وحتي لو سمعتي رمسة قولي بنفسك الحمدلله يعطوني حسنات وانا

جالسة ببيتي وعيشي حياتك مع زوجك وعيالك بالمستقبل كما تحبي وليس كما يحب الناس وحين يسألوا

ليش ما نشوفك خبريهم بكل هدوء زوجي لا يحب خروجي — حبوبة ما أحد يفرض عليك شي لا ترغبي فية

بس المهم أنت لا تعطي أذنك للقال والقيل لن تكمم أفواة الناس بس أحنا من نعمل لهم حدود —–

وبعد وقت بيملوا وينصرفوا لنهش ناس آخرين ———

على فكرة أنا لا أقول ذلك مجرد كلام بالعكس عن تجربة أنا عشت بين عائلة كبيرة من الأقارب وبعد سنوات

مليت من النميمة والتدخل أبتعدت عن كل الأجتماعيات وهتميت ببيتي وعيالي وكانوا يتحدثوا ليش قاطعة

الخلق بس ما كنت أهتم بكلام أحد ومرت سنوات والحمدلله رب العالمين عيالي أصبحوا شباب وصبايا

وأصبحوا كل حياتي هم أصحابي وأخواني وكل ناسي وبيتي وعبادتي وبس وفعلا مرتاحة البال والضمير

أضع رأسي على مخدتي وانا لا سمعت كلام ولا أخذا ذنب أني تحدثت على أحد —–

وشعاري وحكمتي فاليسعك بيتك وتبكي على خطيأتك — اللهم أختم لنا بختمة الخير