ليش جيه ؟؟

السلام عليكم ورحمة الله وبركاته

شحالكم وشخباركم

اول شي انا داشه بنك ربيعتي .. وعندي مشكله وابا اعرضها عليكم

الموضووووع انه .. وحده من ربيعاتي خطبني اخوها .. وهي مب ربيعتي وايد يعني متعرفه عليها

وما كملت وياها اسبوعين الا وخطبتني على اخوها .. هم مب من جبيلتنا .. ونحن من الجبايل الكبيره المعروفه فالعين ..

المهم الريال ما عليه كلام ابدا .. وانا صليت استخاره وارتحتله وااااااااااايد وااااااااااايد .. تمت فتره ما صار فيها شي لان نحن فالبيت كان عندنا ظرف وتأجل كل شي ..

المهم الريااال ياااب حد من رياييل جبيلتنا عسبه ان يكون واسطه ويمشي الموضووع .. واصلا الريال كان ربيع ابويه ويتعارفووون ..

فرمضان الريال رمس ابويه وقاله والله فيه عرب يبون القرب منكم ويبون يخطبووون .. بس ما قالوله ان انا الي يبوني .. بس رمس بشكل عام ..

قاله ابويه خير ان شالله وانا بردلكم خبر ..

ابويه واااااااااااااااااااااااااااااايد وااااااااااااااااااااااايد مشغووول وعنده منصب كبير عشان جيه ما يفضى حتى انه يفكر فشي .. عقب يومين الريال دق حق ابويه بس ما رد .. عقب تم يتصل لين ما رد عليه ابويه قاله اسمحلي والله مشغول وجيه .. قاله شو صار فالموضوووع .. قاله كلام وااايد بس الاهم انه "" والله نحن ما نيوووز الا من جبيلتنا "" وما نطلع عن جبيلتنا !!!!!!!!!!!!

انا هنيه انصعقت .. بغيت امووووووووووووووووووت .. كيف ؟؟!! كل الي عرسوا ماخذين من جبايل غير ..

وابويه الله يسامحه حتى ما قال حق امي .. لان لو قاللها امي بتلمحلي او بتقولي لاني علاقتي بأمي قويه . فشي طبيعي تقولي ..

حسيت انه ابويه رد عليهم الا جيه بدون ما يفكر .. او يشاور او حتى انه يقول حق امي ..

انا الريااال حبيته لانه انسان خلوووق بمعنى الكلمه .. وصبر عليه لين تخلص الظروووف الي عندي .. يعني اتريااني تقريبا 8 شهوور هذا شو يعني ؟؟!! يعني انه شارني ويباني ..

انا ما عندي اي مشكله فيه بالعكس قلتلكم صليت استخاره والله وااااااايد مرتاحه واحس اني مستانسه ..

كلمتني اخته وقالتي شو الحل احينه .. قلتلها ان الحريم ايووووون احسن عسبه ان كل شي يكون رسمي واهلي كلهم يعرفووون بالسالفه .. ويصير كل شي جدي ..

قالتلي اوكي انا برمس اخويه .. بس خلينا نخلص من المشاكل الي فالبيت عندنا وبردلج خبر ..

احينه اونه الريال قال والله انا ما احب امشي ورا شور الحريم .. انا ابا الراس العوود << ابويه يعني

ابا موافقته هوو اووول عقب الحريم يتصرفن

الي قهرني ان ابويه ما قال ولا تكلم حتى امي ما خبرها .. يعني رد بروحه .. صدق صدق مضااايجه

احينه مب عارفه شو اسوي .. ما ابا اخسر هالريال لاني عارفه ومتأكده ان سعاتي ويااااه ..

شووورن عليه .. شو نسوووي ااحينه ؟؟!!

مرحبـــا اختـــي ..

اهم شي بالسالفه موآفقـــه ابوووج

بس والله اذا الريـــآل من نصيبــج بتاخذينه

وكل شي قسمــه ونصيب

والله ينوَلج الي تتمنينه ..

عاااااااااادي الغاليه…انا لو منج بسير عند امي وبقولها في وحده دقت علي وقالت ان فلان خطبج بس ابوج رفضه

وهي عااااااد بتسير عند ابوج عسب ترمسه وتتاكد منه..وتقوله المفروض يشوف سعادة بنته..ولا زم يستشيرج

بالموضوع…عااااااااااد انتي سوي عمرج ما تعرفين شي…وقوليله خلاص انا بستخير واللي فيه الخير ربي يجدمه

صدقيني مالج الا هالحل…وربي يوفقج ويسعدج وينولج مراااادج…^_^

والله عيبني شورج
ان الحريم هم اللي اييون
وهالشي المفروض كان يصير من البداية
حسب العادات والتقاليد

ياختي ما ادري ليش جي يفكرون اللي ماسكين المناصب يبون ايوزون العيال ع كيفهم ما يدرون انه فيهم قلوب واحاسيس وهم لهم القرار لانها حياتهم

الله يسهل اموورج ان شاء الله لاني مريت بموقفج وحاسه فيج

مشكورات حبيباتي ع الردووود .. بس وربي حاسه اني مب رايمه افكر او حتى اني اركز فشي ..

كل ما اشووف ابويه الدمعه تنزل بروحها بس ما ابين حق حد .. مخليه الامور عاديه