.ليش ردود البنات وقحه ؟؟؟

مرحبا خواتي
انا بخبركن بشي بصراحه
احس معظم مواضيعي يدخلن بعض الخوات ويردن عليه ردود وقحه على اي موضوع
اي كان ؟؟؟؟
ابا افهم ليش جيه يستوي
عنبو ما شي ادب
ماشي احترام
ليش اذا مب عاجبنها الموضوع ما ترد اصلا
لازم تنقهر وتسوي مشاكل وقيل وقال
فخاطريه يكون هالمنتدى ارقى شوي
وعن هالردود الماصخه

ما عليه اختي هدي اعصابج خذي كل شي بروح رياضيه وكل وحده اتقول وجهت نظرها اختي بس انا معاج في بنات الصراحه ما يثمنن رمستها بس الله يهديهم ولا تضيجين …

فديتج اختي لا تزعلين ..

والله كل الكلام اللي قلتيه صحيح

وهالشي لاحظته على وااايد عضوات في المنتدى

من خلال بعض الردود

وخصوصاً في هالقسم

بس اي موضوع لازم تختلف وجهات النظر عليه ..

وكل وحده من حقها تعبر عن رايها

المشكله مو في اختلاف وجهات النظر

المشكله في الاسلوب

في بنات الله يهديهم اسلوبهم بصراحه ما اعرف شلون اوصفه

يعني ما يعرفون ينتقدون بطريقه صحيحه

بحيث انهم ما يجرحون صاحبة الموضوع

لازم ياخواتي .. نرد بكل احترام وادب ..

حتى ولو ما عجبنا الموضوع … وحتى لو كانت صاحبة الموضوع على خطأ

فتقدرون تبينون لهم خطأها بطريقه حلوه وباسلوب محترم وراقي ..

والله يهدي الجميع ان شاء الله

سويلهن أكبر طاااف ,,
.. يمكن هذي طبيعتهن في البيت وفي المنتدى ..
ولا تنسي هذا المنتدى عالم ثاني يعني بتشوفي أنواع وأشكال من الناس المحترمين والغير محترمين ولازم تتأقلمي مع جو هالعالمـ ^^

مب مواضيعج وايد عضوات يشتكون من هالشي بس الحمدلله للحين ماحصلت من حد شي مب زين

لا تزعلين حبيبتي
اكبر طاف و حياتج

لا تزعلييين والله يعييينج ^_^