ليش كل ما اشرب الشاي الاخضر ارجع او تصيبني لوعه فظيعة؟؟!!

هلا بنااااااات اشحااالكم
انا جربت اشرب شاي اخضر كم مرة و انواع مختلفة و شي بعد بالنكهات
بس كل ما اشربه تصيبني لووعة فظيعة و ابى ارجع و مرة ما كملت 5 دقايق الا و انا مرجعة!
مول ما اتحمله بس خاطري اشربه يقولون يضعف بس قمت اخاااااف
شو السبب يا ترى؟؟؟
وحد صارله نفس الشي؟؟؟
ومشكورييين

خلاص لا تشربينة معدتج ما تتحملة امشى بس رياضة وخفى اكلج وبتخفين

اختي اكيد انتي اتسوينه مره او مركز عشان وماتحطيله شي احليه سكر او عسل عشان جذا اتيج لوعه وترجعين

هلا اختي .. يمكن انتي بوجه عام ما تتقبلين شيء غريب ..

انا جذي غصب اتقبل الشيء ..

والشاي الخضر كنت اخلط معاه ليمون او نعناع .. بس بعدها اللوعة ..

اضطريت احط معاه سكر الرجيم سعراته صفررر بديت اتقبله شوي والحمد لله

انااااااااااااااااااااااااااااااااااااا مع كلامج.. غيري طريقة اشرب

شوفي اكيد قريتى عن فوايده
واهم شي انه ينقي الدم
يعنى لو صرتى تشربين منه 3 اكواب باليوم بتكون السميات في الجسم قليله
والله لو اخبرج عن فوايده بتقولين ليش نحن جي دوم ندور على الاشياء اللي تضرنا ونستمتع ونتلذذ بها
اهم شي يوم تشربينه لاتفكرين انج تبين تشربينه لهدف الرجيم او الضعف
فكري في الصحه وابدي سويه خفيف وايد وتدريجيا زيدي الشاي

انا عندي الوالده كنا ناخذها تسوي علاج بالاوزون عشان آلام العظام والركبه
هالعلاج فايدته انه ينقي الدم ويساعد الجسم من التخلص من مسببات الالم وخاصه الام العظام
وبعد ما خذت اكثر من كورس تعبت ووقفت لانه العلاج صعب ياخذون منها دم تقريبا كيس دم يسحبونه ويمر الدم في جهاز ينقي الدم بالاوزون وبعدين يرد مره ثانيه لجسمها
بصراحه شي متعب نفسيا ويعور
ايدها دايما يعورها مكان الابره
وبعدين قال الدكتور ان مفعول الشاي الاخضر نفس علاج الاوزون في تنقيه الدم والجسم
انا عن نفسي اشربه كل يوم مب عشان شي عشان صفاء البشره
واشربه عيالي عشان ينظف بطنهم من اكل الوجبات السريعه
لو فكرتى بالفوايد نفسيتج بتتقبله

انا مره شربت ياتني لوعه من بعدها ماشربته