انا موب من النوع اللي يطرح مواضيع بس من قمة قهري من اللي شفته قلت لازم اتكلم وانبه على اللي مب منتبه واللي موب حاطه في بالها ان ممكن تصير مصيبه لعيالها لاسمح الله
في الويكند كنت في حديقة عامه قرب شعبية قديمه فيها كم بيت شعبي
رحت بتمشى وياعيالي ونشم هوا بس للاسف من اللي شفته ما استانست ابدن في الرحله
وقلب مودي على عيالي المساكين وماتهنو برحلتهم
قريب العصر الحديقه لازالت فاضيه
لمحت عيني بنوته لها تقريبا 6 او 7 سنوات لابسه فستان كت وقصير مع هيلاهوب شفاف متقطع وحافيه
امبين عليها من عايله قد حالها
شافت عيالي واستانست ويت تركض صوبهم تبا تتعرف عليهم وتلعب معاهم
فالبدايه قلت يمكن اهلها معاها وقاعدين في مكان مايبينون
راح ابو العيال يشتري بارد وحلويات للعيال وطبعن حسب حساب البنوته
ماتتصورون شقد استانست وكانت تشولف وتظحك معانا وهي مرتاحه وامبين عليها اجتماعيه وماتخاف من الغرب
البنت طولت تلعب مع العيال وما احد يا وسأل عنها من أهلها
استغربت
زقرتها وسألتها عن اهلها قالت : اهلي محد!!
انزين امج وين ! : امي تشتغل مدرسه ادرس ناس فالبيت
انزين ابوج اخوج اي حد من اهلج : محد بابا واخوي طالعين محد فالبيت
انزين وين بيتج : في الشعبيه اللي هناك > اشرت بايدها
قلت لها :ماما حبيبتي روحي بيتكم يمكن امج رجعت وقاعده ادورج وبعدين خطر تطلعين بروحج من البيت ومحد عندج ماتخافين يشلونج الحراميه بعدين
ظحكت وقالت :امي ترجع البيت فلليل ماترجع الحين
قلت لها اوكي روحي الحين بيتكم وقعدي لين يرجعون اهلج عشان نحنا بنرجع بيتنا الحين المغرب والحراميه يحوطون برع الحين
راحت البنت تركض بيتها
غمضني شكلها وهي تركض حافيه
اذن المغرب صلينا وقعدنا نلم اغراضنا عشان نطلع شوي والمح نفس البنوته يقودها راعي البقاله اللي فالحديقه
تخيلو المنظر ماسكنها من ايدها ويقودها صوب الحمامات
دخل قبلها وتريته عند الباب
فالهوقت انشغلت مع عيالي ماتفيقت اروح اسالها منو هذا
اللي وياها
يوم ركبنا السياره فهمت من ريلي ان هذا راعي البقاله اللي راح اشترا منها بارد للعيال والبنت واحنا طالعين شفناها دخلت عنده داخل الحمام وشو اللي صار بعدها الله اعلم الله يحفظها ويحميها من كل شر
الشرهه هب على اليهال يا امهات اليهال يحتاجون توعيه ونصح ومراققققققققققققققققققبه
وين هاي الام عن بنتها والله لو بيدي جان رحت لين باب بيتها وشرشحتها لو ما قبظني ريلي والله انه هايج الليله ما غمضت لي عين وانا اتخيل هاي البنت
المسكينه شو ممكن صار معاها
سمحن لي ماعندي هايج الخبره في طرح المواضيع بس اتمن الموضوع وصل لكل الامهات اللي متهاونات في هاذا الموضوع
ومخلين عيالهن بلا رقيب ولاحسيب
الله يستر يا رب
وين ابوها
ع الاقل ما تخلي البنت تظهر من البيت !!
والله قلبي عورنى خصوصن يوم قلتى راعى بقاله زاخنهاا
صوب الحمامات
ووين الرحمه في قلوب البشر
صح مالج ذنب لا تزعلى منى بس اقل مراتب الايمان
الامر بالمعروف والنهى عن المنكر
حسبي الله ونعم الوكيل في اهلهاا
الله يسترها مع بناتنا يا كريم
او احتى اتصلتو للشرطة وهم ما بقصرون
وين امها عنها حسبي الله على هالامهات لاحول ولا قوة الا بالله