تعقدت يا بنات من البنات .. والله جد خلوني أفضفض .. تصدقون ما عندي صديقات أطلع معاهن أكلمهم اسولف لهن أشتكيلهم .. ماعرف المشكله مني والا منهم ؟؟
الي بقو معرسات وعيال وحفله .. و وحده عزابيه احبها بس ماشاء الله عندها حياتها وصديقاتها وانا ما احب افرض نفسي على حد..
كانت عندي صديقه أعتبرها أخت واكثر من أخت بس فجأة وبدون سابق أنذار أخترعت لها مشكله وانهت العلاقه معايه ..
فالبدايه ما كنت فاهمه ليش بس قلت خلها عراحتها .. بعدين أكتشفت انها تبغي ترجع لشلتها القديمه الي ما يطيقوني ولا أطيقهم و انا ما أمدح نفسي انا أنسانه فرفوشه أحب اطلع احب اسولف بس عندي حدود ماحب حد يتجاوزها .. وشكلي كنت مغصصه عليها فقالت خلها تولي بشوف وناستي مع الشله الثانيه الي طلعاتهم تمتد لين الفجر ,, وافهم يا فهيم ..
تصدقون يوم اشوف تجمع بنات .. أغبطهم على ربعتهم واقول ليش انا شو فيه .. ممكن اكون شويه مزاجيه بس مب لدرجة اني اكون وحيده .. عندي خوات صح .. بس الصديقات غيررررر ..
سامحوني طولت بس فيه غصــــــه وحبيت اطلعها عن ما تخنقني 
اللهم لك الحمد حمدا كثيـرا طيبـا مبـاركـا ملأ السماوات وملأ الأرض وملأ مابينهمـا
هم جزء من دائرة حياتج
عندج عبادتج
الأهل ( ام ابو خوات …الخ)
دراستج
عملج
ممارسة هوايتج
لا اتكبرين الموضوع و تتضايقين و لا تتحسفين يوم اتشوفين تجمعات البنات
الوقت و استغلاله شي ثمين ، حلو تتجمعين مع رفقه يكون في اجر من هالتجمع و فايده
(( ندمي على يوم غربت فيه شمسه ، نقص فيه أجلي و لم يزد عملي ))
نصيحتي حاولي ان يكون اختيارج للرفقه بأن يكون لهذه الرفقه صحبة خير
حلو تطلعين وياهم تتشاركين وياهم احزانج و افرااحج
حلو اتفرفشين وياهم
الربيعات لهم حس ثاني
بس اختاري الربيعات اللي يقدرون الصدااقه
و الله يوفقج في حياتج
فاذا ترابعتي مع بنات.. مثل ما قلتي (خلي خط احمر) ما حد يتجاوزه..
و ربي ييسر لج الصحبة الصالحة
لا تخلين تفكيرج بس بانه مصدر سعادتج بالحياه الصداقه ..
مع جي بمعامتلتج الزينه وابتسامتج بتكونين صداقات