مابا ولدي

السلام عليكم

كنت حابة اكتب الموضوع من قبل كنت اتردد

بس حسيت ضاقت بي الدنيا وابا احد يسمعني ويعطيني حل

مشكلتي غير مشكلتي ريلي وولدي

عندي ولد عمره سنتين مشاغب وايد يخرب وكسر ما يقعد ابد

حتي اذا سرت عند هلي او اهل ريلي يخرب ويكسر

المشكلة ريلي يضرب ضرب كف بويهه يشوته يشيله ويرمية

يضربه وجنة عمره 20 سنة لما ارمسه ولا احمي ولدي منة يعصب

على او يمد ايده صار الولد يخاف من كل شي اذا سمع صوت

عالى يصيح ويخاف من اي ياهل يصارخ او يضربه كلمت ريلي

الولد بيتعقد لو سمح الله تضربه يصير في الولد شي من الضرب

يقول عصبني ما يفهم

انا اللي احاتيه يتعقد الولد ابا حل شو تنصحوني

سنتين؟؟؟ وين دورج كـ أم؟

ي حبيبتي العيال لين سن ال٥ سنوات شخصيتهم هي المرآه لمستقبلهم
تقولين ولدج مب عمره 20 يعني المفروض بدال لا تدخلين هني تطرحين مشكلتج تاخذيلج كتب عن تربيه الطفل وتقرين ف النت وتبحثين عن وسائل العقاب لـ هالعمر وتكونين حازمه ف هالموضوع مب تتريين ريلج يضرب الولد وانتي اتدافعين عنه وتقولين هاي هي الامومه ترا الولد ان كبر ع هالشي ما بيلوم الا امه وابوه ع شخصيته واذا ريلج يي ويقولج عصبني وما يفهم يعني اذا تغير الولد وفهم انه اللي يسويه غلط بتتغير معاملته له وهني يي دورج انتي كـ ام انج تربين ولدج لسن يكون فيه فاهم ويدخل المدرسه وهو شخصيته قويه مب ضعيف شخصيه او معدومها ..

الله يهديج اذا انتي تقولين مابا ولدي وهو بو سنتين تيين وتقولين ريلي يضربه وهو لا حمله 9 شهور ولا حس بـ هم تربيته، تثقفي واعرفي كيف تتعاملين ويا ولدج عشان ما تندمين يوم بيكبر وهو ع هالحال ويمكن اخس

اكبر غلط ضرب الولد وهو بهذا السن .. ترا بيستوي عصبي بزياده ويتغير سلوكه وراح ياثر عليه في المستقبل

غير لاسمح الله ممكن تييه امراض مثل صعوبة النطق ( التأتأه ) بالكلام …

انتو شجعوه واعطوه هدايا والعاااب وجي .. اما ضرب وصراخ ما بتنفع مع هالعمرر

يا قلبي سنتين لسا صغير
انا ابني عمره ٣ سنوات ولسا احسه ما بيفهم ويشاغب كثيييير كمان
خلي حتى لو بده يضربه مو علو وجهه اصلا ما بحوز يعني ضرب خفيف ع الايد او ع قفاااه ^_^
الله يهديه يارب بس والله الاولاد اغلبهم هيك فهمي زوجك ها الشي والا بس بدهم اولاد بدون تعب ولا شي
بدهم الولد يبقى ساكت طول الوقت
الطفل عنده طاقه غير عن الكبير ولازم يفرغ طاقته سبحان الله

حراااااااااااام وغلط كبير انج تسكتين ع ريلج عنبو مو جي التعامل مع الولد دام هو ما يتحمل كل ما دش طرزان ريلج شلي ولدج ودخلي حجرة يلعب. العاابه والا ف حضااناات ف السن ع الاقل يتعلم ويتشجع ويطلع كل طاااقته في الحضااانه بدل ما يتأثر من بيتكم دفعيييه حق الحضاانه بدل ما يكفخ الولد وفهميه انه هذا اسلوب تخلف لان هذا ياهل ودام يضربه هالضرب معنااته هو الياااهل لان حط. مخه ف مخ ياااهل هالكبر. وبعدين يا عزيزتي كلنا عندنا عيال وولدي انا مشكلجي عمره سنه واربع شهوور يرااويني الويل بس احمد الله انه عندي ولدي عمري ما مديت ولا زااعجت بالعكس احمر له عيني يقوم يفهم ويودر اللي بيده وصار حااله احسن من قبل بوااايد. ادعي ان ربي يحميه لانج اتقولين ماتبينه عااادي بخطفة ملك الله يأخذ عنج هالولد عقبها بتعرفين شو من نعمة كانت عندج

الولد ان استمريتو تعاملونه بها الحال صدقيني بيزيد اكثر
شوفي اذ لاحظتي نشاطه زايد عن باقي اليهال تقدرين تراجعين فيه تشوفين هل هو طبيعي او لا
يوم يخرب ويسوي فوضى حاول تبعدينه بالمكان اللي قاعد فيه ابوه عشان مايعصب عليه

ريلج قاسي
اكره ع الناس اللي يمدون ايدهم ع ياهل
قولي اكيد طلع عليك و انت صغير
كوني حازمه و لا تسمحين له يمد ايده ع الياهل ابدا