والله مب عارفة من وين ابدي انا عايشة في بيت اهل ريلي هوم عندهم 3 حريم الأولاد وانا الرابعة المهم
هالثلاث كلهن عايشات داخل الفيلا إلا انا يالسه برع ولا بغرفة وحمام بس تخيلوا والله اررف يعني ماقدروا يطلعون حد من اخوانهم العزوبيه ويخلوني اسكن هناك على فكرة ريلي كان يرقد ويااخوه فالغرفة داخل الفيلا والحينه من تزوجني طلع برع
المهم ليش هذا كله يعني شو هالأنانية
والله وانا ولامرة طريت هالشي لي ريلي ولا حق احد منهم ماادري احس كارهيني ليش مب من قرايبهم واني ولاشي في عينهم
ويمكن يغارون انزين ليش هذا كله والله ماابي اقول شي اخاف يكرهوني وهذي مب من عوايدي
والله مليت في حد يعاني جي شراتي انا ماجد عشت جي الحمدلله في بيت اهلي كنت ساكنة في قصر مب بيت ماابي اسوي شي يكدر ويزعل ريلي هذا اللي يهمني
بنات بليز بلاتجريح لأنكم مب عايشين ولامجربين العيشة اللي عايشتنها
والله يفرج همج
ربي يعينج ويسهل أمورج وتظهرين في بيت بروحج
اصبري ترا من صبر ظفر
وربج ما ينسى حد عليج بالدعاء ..
انزين اختي ليش ما تطلعون بيت رواحكم ؟
او شقة .. اذا الظروف تسمح ..
وبعدين عن انهم يطلعون حد من العزوبية … بعد صعبه ..
مممم او مادري بس هذي وجهة نظري .. يمكن بيقولون ليش نحن اللي نطلع .. ترى هذا بيتنا ..
بعدين يالغالية .. يمكن احسن لج تكونين بروحج .. يعني بعيد عن المشاكل الله يبعدها عنج
واهم شي علاقتج مع ريلج ممتازة .. ومع عمتج وعمج
وبالاخير انتوا بنفس البيت .. وكل حد ونصيبه 
الله يعينج
اصبري وتحملي عشان خاطر ريلج
والله بيعوضج خير وبيسهل امورج ان شاء الله وبتحصلين بيت بروحج
ويمكن يكوون خير لج .. احسن من انج تكونين وياهم بنفس الفله وتستوي مشاكل وبتاخذين راحتج اكثر حتى لو كانت غرفه وحمام .. واكيد مابتمون بهالغرفه باجر بييونكم عيال ويبون مكان اكيد ريلج بيفكر بهالشي
وماعليج الا بالصبر والدعاء
والسمووحه