ماذا تطعيمين طفلك؟!

مرحبااااااااا امهاات جميلااات
انا بنتي كملت ال7 شهور وتمشي بالثامن ومافيها ضروس ما اعرف شو اعطيها واحسها ما تبي ترضع تبي تاكل لكن ما اعرف انوع بالطعام وما اعرف ارتب جدول تغذيتها هيلب مي رجاءا

ممكن تنوعيلها شوفان شوربة خضار الكرع الاحمر مهروس تفاح عصير طماطم مرة بالاسبوع بس في هالعمر ﻻتعطينها سمك وﻻ عسل بس الشوربة حطيلها فيها كوسة كرع احمر بطاط جزر خس بقدونس لانهم غني بالحديد مرات حطيلها فيها قطعة دياي او جبي او لحم بقر شوي بس

ممكن تفورين جزر مع عيش ابيض و عقب ما فورتيه اخلطيه بالخلاط عسب يكون سهل تاكله
تفاح مهروس
الافوكادو مهروس طعمه حلوو ^..^
سيريلاك مع حليبها

في اكلات للاطفال بتلقينهم ف الجمعية و انا دايما اخذ يكون مثلا فواكه مشكلة – موز – خضراوات مشكلة

عقب شوي شوي عطيها حبات صغيرة دياي و سمك بس شوي شوي يعني فتتيهم تفتت عسب ما تغص

حاليا ف رمضان اسوي ل نونوتي مهلبية او كستر اطلعه برى الثلاجة لين ما يكون درجة حرارته مناسبة لاني ما احب اعطيه شي بارد
مرات اعطيه شمام او يح بس كميات بسيطة

يعطيكم العافية شكرا عالرد

انا بنتي بالثامن اعطيها مهروس جزر وبطاط تحبه واايد وساعات نضيف عليه ارز او كوسا وسبانخ .. وشي شوربة خضار بروكلي وسبانخ وجزر وبطاط وكوسا لذيذ وطبعا ماتضيفين ملح ولاسكر ع اكلتها و عندج انواع سيريلاك في الجمعيه تمر وفواكه وقطع فواكه والعادي .. وحاولي تعطينها بيض مفور عدل البياض والصفار الدكتورة قالتلي جي انه لازم ابتدي اعطيها من الحين وتحب بعد الهريس ويالدياي اللي ناكله بس اهرسه اكثر حقها . وبعد عدس ويا ارز وجزر … انا بنتي ماتحب الفواكه عسب جي ماسويلها مهروس الفواكه بس تحب الموز ومب وايد بعد .. تميل للخضروات اكثر والجدول انه مثل الصبح تاكلينها سيريلاك او خبز وياجبن او بيض وعقبه بساعه حليب وعقب الظهر ارز ويالخضروات وعقب ساعه او ساعتين حليب والعصر فواكه او بسكوت او كاستر كارميل او دانييت او روب بالفانيلا او مانجو يبيعونه هاييل جاهز فالجمعيه والعشا جزر وبطاط وعقب ساعه او ساعتين حليب وكمية الحليب مثلا تكون بعد كل وجبه 180 عسب تشبع عدل وعقبه ترقد وفالليل يوم تنش اكيد تعطينها حليب .. وبعد كل وجبه شربيها ماي مثل 20 مل او اكثر عادي وعادي ساعات حاولي تعطينها من اللي تاكلونه عسب تبدا تتعود ع اكلنا ولاتنسين قطرات فيتامين د اللي اكيد عطاج الدكتور بعد الولاده حق البيبي هو اللي يساعد عالمشي وجي ولو تبين شي انا حاضره