ماذا تفعلين لو

لو اكتشفتي ان ريلج يخونج ويا صديقتج شو موقفج بيكون.. بتواجهين منوه منهم..ولا شوه بتسويييييين

انا عن نفسي بحرقهم كلهمممممممممممممم

اول شي هذي ماتستاهل كلمت اربيعتي اصلن لو هي صدق ربيعتي ماسوت جي وبعدين عنه هو ابه اعرف ليش سوه جي ليش انا شي ينقصني ولقاه في ربيعتي الخاينه وطبعن بيكون لي درس اني ماثق في حد حته لو اختي بس مب كل الناس مثل بعض
والله يهديهم يمكن يكون الغلط من الحرمه هيه اعتبرتها اربيعتها الوفيه وامنت فيها الي ماتتوقع انه بتخونها وبتطعنا في ضهرها يمكن كانت وايد تمدح ريلها جدام اربيعتها وانغرت فيه تراه اكبر غلط انج اتمين تتكلمين عن ريلج جدام اي حد في ناس حاسدين واعوذبالله من شرهم والله يصبرها على بلواها

اول شي باخذ الدليل وبروح لصديقتي الخاينه اراويها اياها واحرقها وانهيها من وجه الارض
زوجي اواجهه واطلب منه يطلقني بكل هدوء واستر عليه ومااخبر احد لاني ماحفرط فبيتي لكن مجرد تاديب وتهديد اذا كانت اول نزوه

ما اعرف شو بسوي

بصب عليهم غاز
واحرقهم ..

مافي 1 2

ومشكورة ع الموضوع

أول شي بتأكد طبعاً مب أسوي مشكلة من لاشيء
وبعدين بواجه اللي تسمي نفسها ربيعتي وبنهي هالصداقة اللي تسميها صداقة ..
أما ريلي فطبعاً بيني وبيني بتضارب واااايد ويااااه وبزعل وبسويها سالفة بس فبيتنا مب برع
ما أبي أفضحه عند أهلي أو أهله
وبعد الريال ما يتطالع برع الا لو فيه شي ناقص عنده ..في منهم والله حب تغيير أو يعيش شبابه مرة ثانية ..
بحسسه انه خسرني وخسر بيته وهدمه بايده .. وبخليه يفكر مليون مرة قبل يسوي شي ثاني ..
بالنهاية طبعاً وأكيد ما أبي أهدم بيتي بايدي بس بذله شوي وبرد عقب فترة أخليه يفكر فيها أو حتى ما أروح بيت أهلي بس طبعاً زعلانين ف نفس البيت وما أعطيه ويه مووولية . بس أسوي طلباته وجي
حرام بعد ما يهون علي .. الوحدة هالوقت اللي تبين صدق اذا هي شارية ريلها وإلا لا ..
بس صدقيني هذا الحين بتفكير تطلع هالرمسة بس عقب هذا ويهي لو أنا هديت أصلاً إلا باكله وباكلها قبله .

بواجهم هم الاثنين

بقطع علاقتي في البنت

بحافظ على زوجي

وبسامحه

خلها هي تحترق

وهم خله ينبسط من اللي سامحت

بس بكون حذره اكثر من اللزوم
في انتقاء الصديقات