السلام عليكن يميع يا بنات ويا حرمات
شحالكن الغاليات عضوه يديده وبتخبركن عن سالفه الله يسلمكن انا توني منتقله بوظبي وابو العيال الله يهديه سكنا فشقه عاده شو مشكلتي انا احينه ؟؟؟
الله يسلم غاليكن خويتكن سنع ليوا ما قد سكنت فشقه والله اني ظايجه وكل عاما رمست بو عيالي عسب نسكن فبيت ايقولي اصبري وعاد اخويتكن حرمه سنعه سرت وقتله سمع وطاعه اللي تشوفه طال عمرك والمشكله الثانيه يا خوياتي الييران
من سكنت ماحد دق بابي ولا حرمه سنعه يات اتزورني واتباركلي عالسكن ولا حد عزمنا بغدا والا عشا
اعنبو حتى صينية خضره محد يابلنا
البارحه يحليلي اوايج مالباب عساني المح حرمه ازقرها تتقهوا ويايه ما شفت حد ياااالله خسارة دلالي الغاويات . واليوم اتخبره بوالعيال قالي هذا طبعهم هال بوظبي خاصه اللي ساكنين فالشقق والله يا خوياتي ضايجه متغير عليه الوضع انا متعوده عالحوي والميالس صدق الشقه وسيعه ونظيفه بس ماشي عن البيت والحوي
شحالكن الغاليات عضوه يديده وبتخبركن عن سالفه الله يسلمكن انا توني منتقله بوظبي وابو العيال الله يهديه سكنا فشقه عاده شو مشكلتي انا احينه ؟؟؟
الله يسلم غاليكن خويتكن سنع ليوا ما قد سكنت فشقه والله اني ظايجه وكل عاما رمست بو عيالي عسب نسكن فبيت ايقولي اصبري وعاد اخويتكن حرمه سنعه سرت وقتله سمع وطاعه اللي تشوفه طال عمرك والمشكله الثانيه يا خوياتي الييران
من سكنت ماحد دق بابي ولا حرمه سنعه يات اتزورني واتباركلي عالسكن ولا حد عزمنا بغدا والا عشا
اعنبو حتى صينية خضره محد يابلنا
البارحه يحليلي اوايج مالباب عساني المح حرمه ازقرها تتقهوا ويايه ما شفت حد ياااالله خسارة دلالي الغاويات . واليوم اتخبره بوالعيال قالي هذا طبعهم هال بوظبي خاصه اللي ساكنين فالشقق والله يا خوياتي ضايجه متغير عليه الوضع انا متعوده عالحوي والميالس صدق الشقه وسيعه ونظيفه بس ماشي عن البيت والحوي
مبروك عليج السكن يديد
ليش ماتبدين انتي اطرشين شي لهم من سويتات وحلويات ..
واشوي اشوي تتعارفين عليهم ..وخلي عيالج يلعبون وياعييالهم
ليش ماتبدين انتي اطرشين شي لهم من سويتات وحلويات ..
واشوي اشوي تتعارفين عليهم ..وخلي عيالج يلعبون وياعييالهم
والله يسعدكم
مثل ما قالت ختيه كيوت ون ^^
انتي طرشي الهـن فوآيل و سويتـآت آول
و ان شاء الله من عقبهـآ تتعارفـوؤن 
الله يعينج ع سكنة الشقق انزين ليش ماتاخذولكم بيت ف ضواحي بوظبي يعني الشهامه الشوامخ الخ.. وبالنسبه حق الييران الله يعينج ترى أغلبهم مب من بوظبي ومايعرفون عاداتناوسنع الييره ..الغاليه انتي قوليلي وين ساكنه ومايهمج الصراحه استانست عليج ختيه
اول شي مبروك عليج السكن………….وانا مثلج صار لي سبع شهور وماحد زارني من الجيران خخخخخخخ
حياالله هل ليوا …. مرحبابج الغالية في بوظبي ….. و مبروك عليج السكن اليديد …و جان عالييران … ماظني بتحصلين من هل الدار .. يعني مايعرفون سنع لوليين …. صراحة الله يعينج … بس أفا عليج آمــري و أم نظارات فالخدمة ……… نورتي بوظبي الغلا
ضحكتيني والله اختي الغالية
عيــل شو بقول أنا الي سنتين ماعمر حد يا دق باب شقتي ^_^ !
لاتتريين اي حد يبادر اختي الغالية
اذا تبغين تسوين علاقات وعادي عندج انتي دقي بابهم وانتي خذي سلــة الخضرة ^_^
واعذري الناس ماتعرفين شو ظروفهم
عسى ربي يرزقج كل خير اختي الغالية 