خواتي انا عندي مشكله يمكن تعتبرونها عاديه بس بالنسبه لي كبيييره
انا اداوم ف وحده من البنوك و تقريبا من 4 سنوات و انا ادعي الله ان يرزقني الزوج الي اباه
و تكون فيه مواصفات معينه و بحكم دوامي المختلط كلمني واحد من الموظفين عن واحد ويانا
يباني ع سنة الله و رسوله و سبحان الله طلعت كل المواصفات الي اتمناها فيه والريال
ماشاءالله ماعليه كلام ولد ناس و عرب و ملتزمين الحمدلله
و المشكله ان عاداتنا شوي غير عنهم مثلا وقت الزواج عندهم الموضوع يكون بين رياييل
و عقب حريم اما نحن يكون بين حريم لان امي و ابوي متطلقين و ابوي ما يسال عنا و لا
حتى يزورنا و زين منه اذا عرفنا و انا امي مب اجتماعيه وايد و اخواني الاولاد ابدا مب
اجتماعيين و ما يخالطون الرياييل لدرجة ان صب القهوه ما يعرفون كيف!!!!
و مايعرفون يرمسون ف مواضيع الزواج لان من يوم كانو صغار ما كان في ريال يوديهم وياه
ميالس الرياييل
و الحين المشكله انا افكر كيف بيتقدمولي و انا ماعندي حد يجابل الرياييل و يتفق وياهم؟
لا تقولولي خوالي لان ماعندي خوال و اعمامي متوفين والله انا وايد متظايجه امي حليلها
تكون مكان الريال و الحرمه فكل شي و حتى ميلس رياييل ماعندنا ف البيت و بيتنا يسووله
صيانه و ماعندنا مكان نستقبلهم فيه و الله هالشي مظايجني وااااااااايد
ادري كلامي متلخبط بس ياريت تساعدوني والله
و خبريه انه يجون الحريم عندكم. بعد واتوقع انه راح يتقبل الموضوع اهم شي تعدوون المووع بخير لا توقفي عند التفاصيل الي ما تودي ولا تجيب
خلي امج تتصل لابوج وتقوله ناس بيخطبونج واول شي بيتجمعن الحريم
واذا صار نصيب خليهم يتواصلون مع ابوج ويجتمعون في بيته
وبالنسبه للعادات منو يزور قبل ،،، قولي له ما عندكم مكان للريايل وما فيه احد يستقبلكم
ومن البدايه شرحي وضعج لانه اكيد هو من يزوركم راح يشوف كيف بيتكم فالافضل تمهدين له قبل
انتي وايد مركزه ع اشيا صغيره الي صدق يريد يتزوج ما يركز ع اشيا صغيره
او عطيه رقم ابوج وقولي له يتواصل معاه
و يغلق الفون
و هالي مخوفني انا
ويجون الحريم
خليج صريحة مع الريال من البداية.واشرحي له وضعكم بس في نفس الوقت لا تبينين له انج ما عندج سند وان ابوج مو مهتم سوي الأمر عادي
وإذا ع الريايل عادي استقبلوهم ف. ميلس الحريم وشوفوا ريال كبير من عايلتكم يكون مكان الوالد
الله يوفقج