ماعرف متى اودي اغراضي ؟؟؟؟؟؟!!!!! تعالو شوي .

انا ماعرف متى اودي اغراضي يعني ((زهبتي)) …. انا عرسي شهر 7 … بتحديد ف العشرينيات ))) هههههه حلوه هاي …. المهم ماعرف متى اوديها … انا اقول عقب ما ارد من السفر … بس مب عارفه ساعدوووني …

اتريا ردودكم ..

حبوبة عن تجربتي أماية قالت أحسن للحرمة أنها توديها بعد ما ترد من السفرة

انا اقول جي بعد … بس يقولوي وين مابيكون عندج وقت ترتبين فيه اغراضج

لا طرشي الشنط قبل العرس بيوم هناك بعد ماتاخذين الي تحتاجيه..

وعقب متى ارتبهم ؟؟؟؟؟

عقب ما تردين احسن

حبيبتي .. اذا انتي بتسكنين في شقه بروحج .. خذي المفتاح .. وقبل العرس بأسبوع سيري انتي وخواتج وامج ..
رتبو الاغراض وزهبوها ..

انا قبل عرسي ب 5 ايام .. خذيت مفتاح الشقه .. وسرت ويا الخدامات .. ويلست ارتب اغراضي .. والخدامات ينظفون الشقه
ويات ربيعتي ساعدتني .. و دخنت الملابس .. ورتبت النعول والشنط و الملابس وكل شي حطيته في مكانه .. حتى العطور صفيتهم ع التسريحه .. يعني كل شي كان زاهب الحمدلله ..

يلست 3 ايام اروح ارتب .. على رواق ..

بس اذا بتسكنين في بيت اهل ريلج .. الاحسن تخلين امج وخواتج يسيرون قبل العرس بيوم او يومين .. ويرتبون الاغراض
ويدخنون الكبتات والملابس .. ووصي ريلج يصك باب الحجره .. عسب ماحد يدش .. ويقعد يطالع الاغراض ..

نحن جذي بنات العايله يسون اذا بيسكنون في بيت اهل الريل .. وطبعا انتي ماتسيرين منقود خخخخ
وصي خواتج يرتبن الملابس الداخليه ويدخنون ويعطرون قميص اول ليله .. ^_^

ومبروك مقدما حبيبتي ..

ذكرتيني بأحلى ايام حياتي .. باقي شهر وبكمل سنه يالله كيف الايام تمر بسرعه !