هلا خواتي الغاليات
الصراحه بنات امس اتصلتلي اخت ريلي وقالتلي تراج باجر معزومه عندي لان بنت خالتي وزوجة ولد عمي بيكونون هناك … واخت ريلي ساكنه عدال بيتي …. وزوجة ولد عمي بعد ساكنه عدالنا … بس الصراحه ماعرفها يعني عمري ماشفتها ولا احتكيت فيها بس أخت ريلي واااااااااايد تمدحها قالتلي وايد طيبه وحبوبه ومتواضعه تعالي تعرفي عليها بما ان نحن كلنا ساكنين عدال بعض ….. بس المشكله خواتي ان ريلي علاقته مع ريلها مب هاك الزود يعني مايرتاحله وايد واول ماخبرت ريلي قالي لا تسيرين …. لان مايبا العلاقه تطور وعقب اكيد هي بتعزمني في بيتها وهو مثل ما قلتلكم مايرتاح حق ريلها اللي هو ولد عمي لان صارت من بينهم بعض المواقف وريلها الله يهديه الكل يذمه بسبب تصرفاته …… عاد انا قلت حق ريلي انزين الحرمه شو ذنبها وبعدين أختك تعرفها وتمدح اخلاقها وايد .. المهم حسيت به جنه شوي اقتنع وقالي خلاص على راحتج اذا تبين تسيرين سيري ……… المشكله الحين يا بنات اني انا خايفه لاني من النوع اللي وايد حذره في اختيار صديقاتي اولا انا فعلا للحين ماعرف طبعها كيف ؟ والشي الثاني أكيد اذا تعرفت عليها بتعزمني في يوم من الايام بيتها لاني مثل ما قلتلكم نحن ساكنين كلنا عدال بعض واخاف اذا عزمتني ريلي يرفض اني اسير بيتها والسبب ريلها 
فمب عارفه كيف اتصرف ؟؟ مرات اقول بسير لاني احب يمعة البنات والسوالف ومره اقول مابسير علشان لا ادخل وياها في موقف محرج سببه الرياييل …… والصراحه انا اهم شي عندي رضا زوجي ماحب اضايقه ولا احطه بمواقف ……….. علشان جيه قلت باخذ رايكم قولولي شسوي ؟ اسير ولالا؟؟ لاني فعلا محتاره
وبعدين انتي اذا سرتي العزيمة كوني سطحي معاها يعني لا تبالغين دام هذي رغبة ريلج وهي يوم بتشوفج جيه بتخليج بعد سطحيه معاها
ولا تنسين بعد ان طاعة الزوج وايد مهمه
والسموحه
اذا ريلج ما قتنع من البدايه تسيرين اعتذري من اخت ريلج وفهميها انكم مشغولين او تبغين تروحين مكان ويا ريلج ..
انا نفس حالتج تقريبا ريلي ما يحب ارووح عند بنات خواله لاني غريبه عنهم ولا يخليني ارووح اعراسهم تتخيلين كيف!! يمكن في سبب بس ما يبغي يقوله بس انا ما ابغي اعرف .. لاني ما ابغيه يزعل عليه وارضيه باي شي لانه هذا وااااااااااجب ..
بس تعرفين يوم تتنازلين عن شي بسيط في حق ريلج والله تكونين ملكه بعينه وخاصه انه هالريال مستوي بينه وبين ريلج مواقف مش اوكي فهمتي غناتي ارضي ريلج هو جنتج ونارج …
واسمحيلي هذا من راي الشخصي …
المشاركة الأصلية كتبت بواسطة عمري زايد 
اذا ريلج ما قتنع من البدايه تسيرين اعتذري من اخت ريلج وفهميها انكم مشغولين او تبغين تروحين مكان ويا ريلج ..
انا نفس حالتج تقريبا ريلي ما يحب ارووح عند بنات خواله لاني غريبه عنهم ولا يخليني ارووح اعراسهم تتخيلين كيف!! يمكن في سبب بس ما يبغي يقوله بس انا ما ابغي اعرف .. لاني ما ابغيه يزعل عليه وارضيه باي شي لانه هذا وااااااااااجب ..
بس تعرفين يوم تتنازلين عن شي بسيط في حق ريلج والله تكونين ملكه بعينه وخاصه انه هالريال مستوي بينه وبين ريلج مواقف مش اوكي فهمتي غناتي ارضي ريلج هو جنتج ونارج …
واسمحيلي هذا من راي الشخصي …
مشكوره الغاليه الصراحه كلامج وايد ريحني وانا خلاص خبرت ريلي اني مابسير لاني مابا احط نفسي ولا احط ريلي بمواقف محرجه …. حسيته ارتاح وقالي احسن خخخخخخخخخخ ^_^
الله يسعدكم …