اشحالكم وشو الاخبار ….
سؤال للمالجات ….
الله يسلمكم … شو رايكم فالريال اللي ما يسال عنج الا يوم انتي تتصلين وتسالين عنه؟؟؟؟ …ويوم اتلمحين انه مقصر فهل الشي ما فهمج لين ماتضايقتي وقلتيله انه مقصر فهل الشي وقالج بكل برود السالفه تافه ومايستاهل انج اتكبرينه وعسب يرضيج اتاسف ..ويوم تقوليله تعال عندي يتعذر لج باي شي , وما اييه ويعودج انه يمر عندج ولاا اييه , تتصلين به وتترينه ما يرد عليج ,,
ولانج انتي قلتيله انه مايسال عنج الا يوم انتي تسالين قام يسال يوم ويومين وخلاف رد شرات قبل …(( شو بتكون ردت فعلج؟؟؟))
يمكن بعضكم يشوف السالفه تافه وماتستاهل كل هل الحشر بس يابنات ما تعتبرن انه هل الشي حق من حقوقكم انه ريلج لازم هو من خاطره يسال عنج بدون ما انتي اتقوليله انه يسال عنج مب لازم تفهمين ريلج وتعرفينه من سوالفكم كيف طريقة تفكيره شو الي يحب ولا وانت بعد شو اللي اتحبينه وغيره من هل السوالف , لازم نتفاهم على كل شي , احس في شي شاغلنه بس ماعرف شو ,, قبل ما كان جذا يوم كنت ارمسه ايام الخطوبه ,, وعلاقتي معاه ما كانت وايد قويه في هالفتره , بس من ملجنا واهو متغير عليه مئه وثمانين درجه
والله يابنات اني تعبانه من ريلي يعاملني بهل الطريقه انه مايتصل فيه الا بعد ما انا اتصل فيه ويوم اسال ليش مقصر فالسؤال يقول تراج انتي ادقين
وحجته الدوام زين انه يتذكر انه مالج يعني ناسني يتذكر الكل الا اناوالله اني اشك ف معاملته وياي
احس اني شي وحده ثانيه فحياته وغيره وانا خلاص تعبت وخليت ابوي يرمسه ,, عن طريقه معاملته
بس بعد ما احس باي تغيير ,
انتن يالمالجات شو اللي تبونه من رياييلكم في فترة الملجه مثلا انا
ابا ريلي يهتم فيني …
يسال عني بدون ما اقوله اسال
ابااه اييه عندي وايلس معاه واحس بوجوده قربي
يفهمني وافهمه ….
هو قالهاا ترااج انتي تدقين 00ومعتمد عليج بهالنقطه وعودتيه حبوبة ^^
والرياال على ماا تعودينه فديتج 00خليه هو يسأل عنج لا تدقين حتى لو كملتي شهر ^_*
جربي وشوفي ^^
الله يسخركم لبعض ويسعدكم عنوووني
المشاركة الأصلية كتبت بواسطة * ام خماس * 
هو قالهاا ترااج انتي تدقين 00ومعتمد عليج بهالنقطه وعودتيه حبوبة ^^
والرياال على ماا تعودينه فديتج 00خليه هو يسأل عنج لا تدقين حتى لو كملتي شهر ^_*
جربي وشوفي ^^
الله يسخركم لبعض ويسعدكم عنوووني
غلاايه جربت اني ما اتصل به واهوو يتصل دقيقه و لا دقيقتين فاليوم ويبند
ما عليه خل يتصل دقيقه ولا دقيقتين ..
بس انتي لا تتصلين وثقلي عليه وحاولي تستمرين فترة على هالموال …
اذا اتصلبج لاتردين عليه او ردي بعد ماهو يتصل
وقوليله اتفضل عنا مسوتلك سويت اليوم من ايدي
بليز لاتردني لالالازم اتي والا بزعل عليك تر
غاليتي
صغريها وبتصغر
السالفـة ما تستاهل والحل بين إيدج
اشغلي وقتج ولا تخلينه هو محور حياتج
انتم بعدكم مب تحت سقف وايد عسب تفهمينه عدل
يمكن هو يستحي أو في شي شاغل باله مب ضروري تكون خيانـة
لا أختي ان بعض الظن اثم
يمكن مشاكل دوام أو تكليفات العرس الله يعين
انتي أختي ثقلي شوية ثقلي ^^
لا تتصلين به
بس ما أنصحج تقطعينه
طرشي مسج ولو مرة في الأسبوع
أتمنــى تكون بخير ومكانتك في القلب كبيرة
وربي يوفقك وين ما تكون
وبس يعني كلام حلو على الخفيف ^^
بس لا تتصلين خليه يتوله على صوتج
وان شاء الله مع الوقت بيتعدل
ربي يسخركم لبعض ويهديكم لبعض
وداومي على الاستغفار أختي وكل ما يقربج من الله
وبتحصلين ريلج خاتم في ايدج ^_*