[COLOR="Indigo"] البارحة ذهبت انا وعيالى الى المكتبة وكان عندى 50 درهما والله لاغير وكانوا عيالى يبون اغراض من المكتبة واااااااايد ….المهم فى دربى شفت حرمة عجوووووووووز تأشر على فوقفت سيارتى وقلت لها خير خالوه قالت ودينى بيت ولدى ماحصلت تكسى …قلت لها ان شاء الله خالوه وركبتها السيارة وتمت تسولف وياي من ضمن كلامها قالت انا ارملة وعندى عيال واصرف عليهم ومحتاجة فقلت فى خاطرى لو عطيتها ال 50 عيالى بيزعلون يبون اغراض من المكتبة ولازم اسير الصراف الالى اسحب والوقت تأخر يمكن المكتبة تسكر ….المهم قلت انا بعطيها وبتوكل على الله وعطيتها ودعت لى بدعاء حسيته من قلبها طالع وحسيت بفرحة نستنى المكتبة وحبت يدى ورصت عليها ….نزلت عنى وانا اتذكر دعاء ها لى وقلبى يرفف من الفرحة وقطع تفكيرى صوت ولدى يقوول انا الأستاد باجر يبا الوسيلة منى وعليها 20 درجة وانتى عطيتى العجوز لفلوس …فسبحان الله سرت الصراف الألى ابا اسحب وانصدمت انه البطاقة مب موجودة فى البوك ….ونظرات الغضب زادت عند عيالى وتأففهم على الموقف وسبحان الله اقول لولدى افتح سدة السيارة …..وكانت الصدمة وجدت مبلغ 75 درهم من وين الله اعلم …..اقسم بالله انى كنت صارفة كل المبالغ الى عندى …كيف طلعت هذه الله اعلم ….فصدق رسول الله صلى الله عليه وسلم عندما قال (مانقص مال من صدقة ) وسرت المكتبة وخذت لعيالى الى يبونه وعشيتهم منها ….فسبحان الله خواتى عليكم بالصدقة على طول الله سبحانه يدخل السرور على قلب المؤمن ويرزقه من حيث لايحتسب …. فمن يشهد معى بلاإله الا الله محمد رسول الله وكلامه حق ووعده حق والجنة حق والنار حق وعيسى بن مريم حق والملائكة حق والرسل حق[؟؟؟؟؟؟؟/COLOR]
صدق الصادق الامين عليه الصلاة والسلام
سبحان الله احيانا تستوي امور غريبة بعد الصدقة
صدقج الغاليه.. عن تجربة .. أسير بيت أمي محفظتي خاليه وخواتي يبون يطلعون ويتعشون برا أقولهم محفظتي الحمد لله تصفر .. والله وبالله وتالله.. ماأكمل كلامي إلا أمي تيبلي 1000 درهم وتقولي هذا من عند ابوج ..وصار هذا الموقف مرتين جدام وحده من خواتي تقولي إنتي خبرتي إمي إنج ما عندج فلوس .. أقولها والله ألحين بس تكلمت جدامج .. تقولي مرتين إنتي منو عندج ليكون تستعينين بالجن
" سوالف " .. أقولها أنا لي رب العزة والجلاله .. والحمد لله
مانقص مال من صدقة
" سوالف " .. أقولها أنا لي رب العزة والجلاله .. والحمد لله
مانقص مال من صدقة
انا اشهد معاج بأن لا اله الا الله وان محمد رسول الله وان الجنة حق وان النار حق وان يوم القيامة آت لا ريب فيه وان الله يبعث من في القبور ..
الله يزيدج من فضله ..
سبحاان الله …
سبحان الله
تسلمين عالقصه تشرح الصدر
(ما نقص مال من صدقة)
(ما نقص مال من صدقة)
(ما نقص مال من صدقة)
(ما نقص مال من صدقة)
(ما نقص مال من صدقة)
(ما نقص مال من صدقة)
(ما نقص مال من صدقة)
(ما نقص مال من صدقة)
(ما نقص مال من صدقة)
(ما نقص مال من صدقة)
(ما نقص مال من صدقة)