في البدايه لازم نعرف شنو يعني تكيس المبايض؟ شنو أسبابه؟ وشنو علاجه ؟ كثير مواضيع ومواقع تتحدث عنه بشكل ( نسخ / لصق) انا سئمت من المواضيع وحفظت الكلام من كثر ماكنت أقراه بس بعد بحثي اكتشفت ان في فرق بين تكيس المبايض وكيس على المبيض ؟ هل الاثنين نفس الشي ؟ طبعا لا شوفو معاي
هذا التكيس اللي يظهر بالسونار
طبعا الدوائر السود اللي على شكل فقاعات هذي هي التكيسات ! راح اقتبس تعريف التكيس الا وهو :
يعد مرض تكيس المبايض خلل هرموني نتيجة لخلل في التمثيل الغذائي يؤدى إلى وجود سمك في قشرة المبيضين وعدم استجابته بشكل طبيعي للهرمونات المحفزة للمبيض مما يؤدي إلى نمو العديد من البويضات و عدم وصول أي من هذه البويضات للحجم المناسب
هذا هو تكيس المبايض! طبعا الخلل هرموني الهرمونات هي اللي ادت الى وجود التكيس ! طيب شلون صار عندنا خلل في الهرمونات ؟؟؟؟؟؟!
السبب الريئسي:
الأكل
شلون الأكل؟ انا عن نفسي طريقة نظامي في الاكل كلها اكلات فاست فود وجنك فود وقاعده ما أتحرك ابد طبعا الفاست فود ( الأكلات السريعه زي البرقر والماك شكن) والجنك فود ( شوكولا بسكويت شبس الخ )
الاكلات هذي ماتساعد في صحة الجسم ابدا ابدا
لانها ماتحتي على معادن وفيتامينات ودهون مفيده للجسم بالعكس هيا تضر الجسم لاحتوائها على نسب عاليه من السعرات الحراريه والدهون المشبعه والسكريات الضاره بالجسم وانا لاني مهووسه بالاكلات هذي وكنت باليوم اصرف اكثر عن 300 و400 ريال عليهم !!
الجسم صار فيه فائض من الدهون المشبعه والسكريات لذلك ماقدر يمتص المعادن المفيده له ولا الفيتامين ولا الالياف لانه بالاساس ماوصل للجسم لاني ما اكلت شي مفيد ف صار خلل في الهرمون وهذا الخلل ادى الى تكيس المباض
بالبدايه لازم الدكتوره النسائيه تتابعكم وتشخص حالتهم انا عن نفسي قبل شهر عملت الفحص وعندي ارتفاع كبير في هرمون LHوهرمون الحليب ومما زاد الطين بله انو الدكتوره قالت مافيه علاج للتكيس ابد بس فيه ادويه تنظم الهرمون والدكتوره ابد ماقالت شنو لازم اعمل ولا شنو لازم اكل ( الله يسامحها ) عشان هيك انا لازم اهتم بصحتي لانو محد راح ينفعني لو خسرت الصحه ونصيحه لاتلعبون بصحتكم ابد
وتحليل بيظهر فيه :
زيادة في هرمون إل أتش LH . ( النسبه عندي عالياااا جدااا )
هرمون أف أس أتش FSH (الهرمون المسئول عن نمو ونضج البويضات) في المعدل الطبيعي أو منخفض. ( منخفض كثير )
زيادة نسبة هرموني (3/1) LH / FSH أو أكثر.
هرمون البرولاكتين Prolactin (الهرمون المسئول عن تكوين وإدرار الحليب من الثديين) في المعدل الطبيعي أو مرتفع. ( مرتفع وايد )
هرمون الذكورة (تستوستيرون testosterone) في المعدل الطبيعي أو مرتفع. ( مرتفع )
هرمون DHEAS في المعدل الطبيعي أو مرتفع.
انخفاض حاد لهرمون التبويض (البروجسترون Progesterone).( منخفض =( )
……………….{ تحليلي كان كذا والحمدلله على كل حال
بالنسبه للكيس على المبيض
ماراح اتكلم عنه بس شكله مخيف ><” الله يشافي كل مريضه يارب
نقطة نسيت اتكلم عنها الا وهي ان التكيس يصيب البنات والمتزوجات معا لانه يصيب الانثى فقط انا ماني متزوجه بس لازم الحق على نفسي واعالج التكيس لاني لو قعدت جي راح يتفقام الوضع واحتمال يوصل للعقم او لمرض خبيث والعياد بالله وعملية المبيض جدا تخوف واستئصالها راح يضر الجسم اكثر .
طبعا أعراض التكيس شنو هي ؟!
حدوث خلل في الدوره الشهريه يا انها توقف وماتنزل شهريا يا ان ها تنزل باستمرار لمدة شهر وشهرين وماتوقف ابد
وزياده نسبة الشعر في الجسم بأكمله
هذي اهم اعراضي انا وعانيت من عدم توقف الدوره لمدة شهرين
نيي للعلاج
طبعا من كلام الدكتوره لي ان التكيس ابد مافي شي يزيله ( الله يسامحها )
وبعد بحثي لقيت كثير بنات راح عنها التكيس وهالشي زاد من حماسي ورفع معنوياتي اني ابدا نظام يديد وما انحبط ابداا ابداا
وصفت لي الدكتوره دواء وقالت انو فيتامينات تنظم الدوره ولازم استمر عليها 3 شهور
حاليا راح اكمل شهر وانا اخذها
الدوا كان مره غالي بحدود 300 وشي وفي ادويه بسعر ارخص بس لحالتي انا كان مناسب الي
الدواء اسمو OvaCURE
pillboxesهذا شكله وطبعا من كلام الدكتوره انو فقط فيتامينات وماراح تزيل التكيس ( كلامها كان مثل الطلقه في قلبي الله يسامحها )
وفي الموقع الرسمي للدوا اكتشفت انو مو بس فيتامينات هو يساعد الهرمونات كمان وينظمها ويخفض نسبة الانسولين
( مانصحكم تاخذونه من دون مشورة او تشخيص من دكتورتكم)
هذا الموقع الرسمي للدوا للي حابب يعرف شنو فوائده
https://www.med-vial.com/ovacure
طبعا الدوا لحاله ماراح يعالج شي
انا ( المريضه بالمتلازمه ) لازم اخذ الدوا بانتظام مع + تحسين نظام الأكل + الرياضه
مر شهر على اخذي للحبوب وعندي موعد قريب في العياده وراح يبين هل يفيدني العلاج بالدوا هذا ولا لا
خلال هالشهر انا ابد مالتزمت ب أكل صحي ولا سويت رياضه بس أكل وانام
السبب الاحباط من كلام دكتوره
بس قررت
لازم اتغير ومافي شي مستحيل وبأمر رب العالمين راح يروح التكيس باذنه
خواتي الموضوع منقول للافادة
ربي يعافي كل من يعاني من تكيس يااارب
انا استخدمت لكلوفاج ولافادني
ان شاء الله بالرياضة تروح
هل اضعف اكثر لين اصير هيكل ؟
وولا كيف
انا بعد فيني تكيس المبايض والحمدلله ع كل حال
يمدحون القسط الهندي للتكيس انا جربته كم من يوم بس وايد ايووووع لانه يحرق الدهون بعد .. بس شو نسوي بحاول أكمل عليه والله المستعان 
ويشفي مرضانا ومرضى المسلمين جميعا
