مايقهرونج يوم يقولون ولدج فيه شي ؟

السلام عليج ورحمة الله وبركاته

خوااااتي يا امهات انتو اكيد بتحسون فيني

ولدي بيكمل السنه تاريخ 30 الشهر الياي وفديته بعده مايحبي بس يقعد

ولما احطه في المشايه يمشي فيها ومن ناحية الاكل مب مقصره

من فواكه وروب وعيش وبسكويت وكاسترد وبطاط وجزر يعني الاكل اللي ينعطى بهالعمر

وانا الحمدالله اخليه يتذوق كل شي وعصاير اعطيه …

القهر يقولون لي ولدج ضعيف جيه ماحبى وناس ولد 7 شهور يمشون ومن هالرمسه

اقولهم ياما يهالو عيال سنه وشوي بعدهم مب شرط انتو ادرى ان القهر يوم

يحسسونج ان في شي او عيالهم احسن فهمتوا علي والله اسوي طاااااااااااااااف

دام ولدي يضحك ويلعب وياكل ويشرب والحمدالله لك يارب مايشكي من شي خلاص

هذا بجري وقلبي يعورني من مغثتهم اداوم واوديه عند امي واطلع من دوامي اشله وعقب

اروح بيتي هذه مساااافه وعقب الغدا وريلي والبيت وربي ما اشكي كل هذا من محبتي اسويه

وهم ببساطه يحبطونج …

سمحولي فضفضت لكم وابيكم اطمنوني انا ام واي ام تبى عيالها بصحه وعافيه الله يحمي عيالكم …

مراحب اختي انت مثل اختي دووم يقولون لهل هذا الكلام وتتعب وايد من كلامهم ولدها ولد 10 والحين ييلس وبعده ما انقلب وبعده ما حبا بس هيه عندها عادي مع الوقت بيمشي بس اهل ريلها ماكلينها اكييد ما اتاكلينه وووو الخ وااايد مضايقه

انا ولدي بداء يمشي وهو عمره سنه وشهرين
عادي بعضهم يمشون بسرعه وبعضهم يتأخرون
ولد اختي كمل 10 اشهر وبعده ما يحبي
لا تخافين ان شاءالله ما فيه شي

الغاليه انا منزله موضوع عن ولدي نفسسسسسسسسسس الحاله لا ولدج ماشاء الله يقعد الي عندي صدق سوداني ..وصل الشهر 11 وياله ياله يقعد ..!! وماشاء الله كمل سنه وحبى وقعد ووقف في شهر واحد ماشاء الله ولا قوة الا بالله …انا كانت عمتي تقولي بيمشى لاتستعيلين عليه وكلهم يقولون لي ان الولد ايي بارد يعني مب نفس البنت وانا اقول من ياهل لياهل يختلف الوضع ان كان بنت ولا ولد ولا تحطيت في خاطرج …شوفي الموضوع في ملفي وشوفي ردود البنات وبالنسبه للناس طنشي ةحبوبه

ما عليج منهم حبيبتي،، عااادي

بنوتة بنت عمتي ،، عمرها 10 شهور،، نفس الشيء لا تحبي ولا شي،، بس تقعد،،

واذا قالوا لج جيه ردي عليهم وقولي لاحق عالحبي والمشي ،، عالاقل جيه مرتاحة ما احاتيه كل لحظة وين بيسير شو بيسوي وتطلع لي قروون،،

واهم شيء ان صحته زينة،، وما عليج من رمسة الناس اللي ما تخلص،،

وربي يحفظ لج ولدج ويحفظ لج اللي في بطنج،،

والله يقهروووون الله يصبرها شرات ما انا صابره سلمي عليها ^_^

ان شاء الله

هم انا وايد سمعت بس جم برمس الحين ماوديه وايد عندهم من هالتعليقات …